Эрүүл мэндийн яамнаас коронавируст халдварын нөхцөл байдлын талаар мэдээллээ.
ЭМЯ-ны хэвлэлийн ажилтан Б.Ууганбаяр "Сүүлийн 24 цагт коронавирусийн халдвар илрүүлэх зорилгоор 10,400 хүнд шинжилгээ хийхэд 2188 хүнээс халдвар илэрлээ.
Нийт халдварын тоо улсын хэмжээнд 76,084 болоод байна.
Мөн сүүлийн 24 цагт 496 хүн эдгэрч, нийт эдгэрсэн хүний тоо 56,947 боллоо.
Улаанбаатар хотод 1498, орон нутагт 683 тохиодол бүртгэгдсэн бол эмнэлгээс шалтгаалах долоон тохиолдол бүртгэгдсэн байна.
Орон нутагт халдварын тохиолдол өндөр хэвээр байгаа тул халдвар хамгааллын дэглэмээ чанд баримтлахыг уриалж байна.
Халдварын улмаас 8538 хүн эмнэлэгт хэвтэн эмчлүүлж байгаагаас маш хүнд 146 хүн байна.
Мөн хугацаанд 10 хүн нас барлаа.
Нас барсан хүмүүсийн ар гэр, төрөл төрөгсдөд гүн эмгэнэл илэрхийлье" гэлээ.
