“Найзууд” цуврал 17 жилийн дараа тусгай дугаараа цацаж, үзэгчид ам сайтай, дандаа шахуу эерэг сэтгэгдэлтэй байгаа бол ганцхан зүйл үзэгчдийн хатуу үгсийг хайр найргүй урсгаж байгаа. Энийг уншиж байгаа, Friends-ийн фэнүүд мэднэ дээ. 

Чандлер Биний дүрийг бүтээсэн жүжигчин Мэттью тухайн мөчдөө түргэн хариу үзүүлж, залуу нас шигээ ганган байгаагүй, гадаад үзэмж нь бусдынхаа хажууд гундчихсан байсан талаар ам уралдаад халаглаж байхдаа хатуу үгийг харин ч нэг гамгүй урсгаж байна фэнүүд нь. 

Мэттью олон жилийн турш хар тамхи, мансууруулах бодис хэрэглэсэнтэйгээ тэмцэж буй талаараа нээлттэй байсан бөгөөд энэ нь заримдаа арван жилийн турш үргэлжилсэн цувралын зарим ангид нь бичигдэж үлдсэн байдаг.

Харин тус эргэн эрэлтийн тусгай дугаарыг хариуцаж ажилласан арын албаныхан өөр үзэл бодолтой байгаагийн зэрэгцээ түүнийгээ ийн илэрхийлэв.

Тус цувралын ерөнхий найруулагч Бен, “Мэттью одоогоор эрүүл мэндийн асуудалтай тулгараад байгаа гэж итгэх шалтгаан алга. Тэр гайхалтай байсан" гэж Hollywood Reporter-ийн подкаст ТВ-ийн Топ таван нэвтрүүлэгт оролцох үеэрээ хэлсэн байна. Мөн нэмж, "Хүмүүс заримдаа зүгээр л хайр найргүй хандаж чаддаг. Бид тийм биш байгаасай гэж хүсэж байна. Надад түүнтэй хамтран ажиллах таатай байсан. Тэр бол гайхалтай хөгжилтэй хүн, би Түүнийг одоо ч гэсэн энэ шоунд сайн нэг мөрт хошигнолоо хийж байна гэж бодож байна. Би түүний дэргэд байж, түүнийг иймэрхүү зүйлд чиглүүлж, найруулагч нь байгаадаа хувь хүнийхээ хувьд баяртай, мэргэжлийнхээ хувьд азтай санагдсан" гэжээ.

Харин Найзууд цувралын продюссер Кевин С.Брайт Бенийн хэлсэн үгийг давтаж, "Хүмүүсийн ярьдаг зүйл бол хүмүүсийн л хэлдэг үг юм. Түүнийг харах үнэхээр сайхан байсан. Тэгээд л боллоо, надад энэ талаар өөр хэлэх зүйл алга. Тэгээд би бодож байна, тэр саяын цацагдсан дугаарт ч бас их хөгжилтэй байсан. Тийм ээ, би түүнийг зүгээр гэж бодож байна. Гайхалтай зүйл нь гэвэл сүүлд би түүнийг харснаас хойш одоо тэр илүү хүчирхэг, илүү дээр байгаа юм шиг харагдаж, санагдаж байна. Бас улам цаашаа зүтгэх гэж байгаад нь баяртай байна" гэжээ. 

Нас нэмэх, олон жил амьдрах гэдэг өөрөө асар уй гунигтаа, урт ачаа байхад бид яагаад нэгэндээ ийм хатуу ханддаг юм болдоо гэж. Амьдралын жамаар л хөгширч яваа Мэттьюг илүү дээр байх байсан юм гэж “хайрлан халаглаж” байсан Фрэйндсийн фэн би өөрөөсөө иччихлээ.

Уучлаарай, Чандлер Бин чамайг олон жилийн дараа дахиад харахдаа байгаагаар чинь хүлээж авч чадаагүйд. Тэгээд, гэхдээ яагаад тэгж бодсноо нэг ухраад эргээд харсан хүлээсэн хүлээлтнээсээ болоод, тэр хүлээлт нь зэрэгцэж суугаа нөгөө тав шигээ гялалзна гэж итгээд хэт бодит бус хүлээлт тавьснаасаа болоод л хатуу, муухай үг хэлж хайргүй юм шиг аашилжээ.

Гэхдээ харин ч амьд байгаад, өдий хүртэл тэмцсэнд, байгаагаараа байгаад баярлалаа Чандлер Бин. 

А.Долгор

www.eonline.com