Эрүүл мэндийн яамнаас коронавируст халдварын нөхцөл байдлын талаар мэдээллээ. 

ЭМЯ-ны хэвлэлийн төлөөлөгч Б.Ууганбаяр "Өнгөрсөн хоногт коронавирусийн халдвар илрүүлэх зорилгоор 8618 хүнд шинжилгээ хийхэд 790 хүнээс халдвар илэрлээ. Шинээр илэрсэн 790 тохиолдол бүгд дотоодод бүртгэгдсэн бөгөөд Улаанбаатар хотод 681, орон нутагт 109 бүртгэгдлээ.

Ингэснээр улсын хэмжээнд бүртгэгдсэн нийт халдварын тоо 59,229 боллоо.

Мөн энэ хугацаанд 327 хүн эдгэрч, нийт эдгэрсэн хүний тоо 50,763 болсон байна. Одоогоор уг өвчний улмаас 4580 хүн эмнэлэгт хэвтэн эмчлүүлж байгаагаас маш хүнд 116 хүн байна.

Хөнгөн хэлбэрээр өвчлөн гэртээ тусгаарлагдаж байгаа 3,580 хүнд Өрхийн эрүүл мэндийн төвөөс хяналт тавьж байна.

Мөн өнгөрсөн хоногт долоон иргэн өчигдөр эндлээ. Нас барсан иргэд эмнэлэгт хэвтэн эмчлүүлж байсан. Талийгаачийн гэр бүл, төрөл төрөгсдөд гүн эмгэнэл илэрхийлье" гэлээ.

Мөн тэрээр “Сүүлийн үед хөдөө орон нутагт зорчихоор шинжилгээ өгч буй иргэдийн дундаас халдварын тохиолдол гарч байна. Үүнээс харахад халдвар зөвхөн ойрын хавьтлаас илрэхгүй байгаа бөгөөд эрсдэл маш өндөр байгааг харуулж байна” гэлээ.