Төр, нийгмийн нэрт зүтгэлтэн Г.Батхүү агсан 2019 оны Тавдугаар сарын 17-ны өдөр Төрийн ордонд гонхноос унаж, харамсалтайгаар амь эрдсэн билээ. Түүний дурсгалыг хүндэтгэн цэцэг өргөлөө.
Түүний амь насаа алдсан хэргийг Цагдаагийн Ерөнхий газрын Мөрдөн байцаах албаны Хүнд гэмт хэрэг мөрдөн шалгах хэлтсээс мөрдөн байцаалт явуулж 2021 оны Гуравдугаар сарын 3-ны өдөр "амиа алдахад нөлөөлсөн сэжигтэн тогтоогдоогүй" гэх шалтгаанаар хэргийг хаах саналыг Нийслэлийн прокурорт гаргасан байдаг.
Харин Ардчилсан намын бүлгийн гишүүд болон журмын нөхөд нь хүлээн уг шийдвэрийг зөвшөөрөхгүй гэдгээ мэдэгдэж хэргийг дахин шалгах шаардлагатай гэж үзэн Монгол Улсын ерөнхий прокурорын газарт албан бичгийг хүргүүлсэн юм.
Нийслэлийн прокурорын газраас хэргийг хянаад, нэмэлт ажиллагаа явуулах шаардлагатай гэж үзсэн бөгөөд 2021 оны Гуравдугаар сарын 23-ны өдөр мөрдөн байцаалтад буцааж, эрүүгийн хэрэгт мөрдөн байцаалтын ажиллагаа үргэлжлэн явагдаж байна.
Энэ талаар УИХ-ын гишүүн С.Одонтуяа "Тусгай хамгаалалттай объект болох Төрийн ордонд учир битүүлгээр амиа алдсан хэргийг илрүүлнэ гэдэгт бид итгэж байна. Ардчилсан намын журмын нөхөд нь түүний дурсан цэцэг өргөлөө" гэлээ.
