Монгол улсын 2021 оны Ерөнхийлөгчийн ээлжит сонгуульд ирэх Зургаадугаар сарын 9-нд болно. Улс төрийн намуудын нэр дэвшигчээ тодруулах ажиллагаа өнөөдрөөс эхэлж байгаа бөгөөд хуульд заасны дагуу тавдугаар сарын 2 гэхэд албан ёсоор нэр дэвшигчээ зарлаж, тавдугаар сарын 3-нд СЕХ-нд бүртгүүлэх ёстой.

Энэ дагуу АН-аас Ерөнxийлөгчийн ээлжит сонгуульд нэр дэвших хүсэлтэй эрхмүүд өнөөдөр намын Дотоод сонгуулийн хороонд өгч эхэлсэн байна.

Дөнгөж сая Хууль зүйн сайд асан Х.Тэмүүжин Монгол Улсын Ерөнхийлөгчийн сонгуульд Ардчилсан намаас нэр дэвших хүсэлтээ илэрхийлж, бүртгүүллээ.