Коронавируст халдварын нөхцөл байдлын талаар мэдээллээ.

ЭМЯ-ны хэвлэлийн ажилтан Б.Ууганбаяр "Сүүлийн 24 цагт 1356 хүнээс халдвар илэрлээ. Ингэснээр халдварын тоо улсын хэмжээнд 35,354 болж байна.

Шинээр бүртгэгдсэн 1356 тохиолдлын 28 нь гадаадаас зөөвөрлөгдсөн бол Улаанбаатар хотод 1190, орон нутагт 138 байна. 

Сүүлийн 24 цагт 923 хүн эдгэрсэн. Ингэснээр нийт эдгэрсэн хүний тоо 19,642 боллоо. Халдварын улмаас 4,746 хүн эмнэлэгт хэвтэн эмчлүүлж байгаагаас маш хүнд 112 хүн байна.

Хөнгөн хэлбэрээр өвчлөн гэртээ тусгаарлагдаж, Өрхийн эрүүл мэндийн төвөөс хяналт тавьж байна.  

Өнгөрсөн хоногт найман хүн нас барлаа. Эдгээр иргэн бүгдээрээ эмнэлэгт хэвтэн эмчлүүлж байсан" гэлээ.

“Цар тахлын улмаас дахин найман хүн эндэж, улсын хэмжээнд коронавируст халдварын хүндрэлээр нас барсан хүний тоо 110 боллоо.

Өчигдөр нас барсан хүмүүсийн тухайд 32-84 насны иргэд байсан бөгөөд бүгд эмнэлэгт хэвтэн эмчлүүлж байсан юм.

Уг өвчний хүндрэлээр нас барж байгаа хүмүүсийн ихэнх нь хавсарсан суурь өвчтэй хүмүүс байгаа юм. Иймд иргэд халдвар хамгааллын дэглэмээ сайн баримталж, өвчлөлд өртөхгүй байх хэрэгтэйг санууллаа.

Өнөөдрийн байдлаар улсын хэмжээнд 118 хүн коронавирусийн халдвар аваад нас бараад байна. Үүнээс 110 хүн коронавируст халдварын хүндрэлээр эндсэн бол найман нь хавсарсан өвчний хүндрэлийн улмаас нас барсан гэж үзэж байна.

Цар тахлын улмаас нас барсан иргэдийн ар гэр, төрөл төрөгсдөд гүн эмгэнэл илэрхийлье.