Коронавируст халдварын нөхцөл байдлын талаар мэдээллээ. 

ЭМЯ-ны хэвлэлийн ажилтан Б.Ууганбаяр "Сүүлийн 24 цагт 1171 хүнээс халдвар илэрлээ. Ингэснээр халдварын тоо улсын хэмжээнд 33,608 болж байна. ШИнээр бүртгэгдсэн 1171 тохиолдлын нэг нь эмнэлгээс шалтгаалсан, зургаа нь гадаадаас зөөвөрлөгдсөн бол Улаанбаатар хотод 1164, орон нутагт 72 бүртгэгдлээ. 

Сүүлийн 24 цагт 490 хүн эдгэрсэн. Ингэснээр нийт эдгэрсэн хүний тоо 18,033 боллоо. Халдварын улмаас 4,703 хүн эмнэлэгт хэвтэн эмчлүүлж байгаагаас маш хүнд 103 хүн байна.

Хөнгөн хэлбэрээр өвчлөн гэртээ тусгаарлагдаж, Өрхийн эрүүл мэндийн төвөөс хяналт тавьж байна. 

Өнгөрсөн хоногт 47-87 насны 9 иргэн нас барлаа. Эдгээр иргэн бүгдээрээ эмнэлэгт хэвтэн эмчлүүлж байсан" гэлээ.

Өнөөдрийн байдлаар коронавируст халдварын шалтгаант нас баралтын тоо 105 болоод байна. Үүнээс 97 хүнийг коронавируст халдварын хүндрэлээр, 8 хүн хавсарсан өвчний улмаас нас бараад байна.

Цар тахлын улмаас нас барсан иргэдийн гэр бүл, төрөл төрөгсдөд гүн эмгэнэл илэрхийлье.