Эрүүл мэндийн яамнаас коронавируст халдварын нөхцөл байдлын талаар мэдээллээ. 

Сүүлийн хоногт 10820 хүний сорьцод шинжилгээ хийхэд 602 хүнээс коронавирусийн халдвар илэрч, Монгол улсад бүртгэгдсэн коронавируст халдварын нийт тохиолдол 10 мянгыг давлаа.

Энэ талаар ЭМЯ-ны хэвлэлийн ажилтан Б.Ууганбаяр "Сүүлийн 24 цагт коронавирусийн халдвар илрүүлэх шинжилгээ хийх явцад 602 хүнээс халдвар илэрлээ. Ингэснээр халдварын тоо улсын хэмжээнд 10820 болж байна.

Эдгээр нь бүгд дотоодын халдвар бөгөөд 514 нь Улаанбаатар хотод батлагдсанаар нийслэлд гарсан халдварын тоо нийт 8,906 боллоо. Харин 88 нь орон нутагт бүртгэгдсэнээр орон нутагт гарсан халдвар 1358 болоод байна. 

Шинээр Дорнод аймагт халдвар батлагдсан гэх мэдээлэл гараад байгаа. Тус аймагт батлагдсан тохиолдлуудын сорьцын хариу өнөө орой гарах бөгөөд ХӨСҮТ-т баталгаажуулах шинжилгээ яг одоо хийгдэж байна. 

Сүүлийн 24 цагт 282 хүн эдгэрч, эмнэлгээс гарсан. Эдгэрсэн хүний тоо 5931 боллоо. Халдварын улмаас 2119 хүн эмчлүүлж байгаагаас хөнгөн 1811, хүндэвтэр 244, хүнд 52, маш хүнд 12 хүн байна.

Мөн өнгөрсөн хоногт нэг нас баралт бүртгэгдлээ. Тухайн нас барсан хүн 60 гаруй настай, эрэгтэй байсан. Маш хүнд байгаа хүний тоо нэмэгдэхийн хэрээр нас баралт нэмэгдэж байна" гэлээ.