Коронавируст халдварын нөхцөл байдлын талаар мэдээллээ. 

Өнөөдөр Засгийн газрын ээлжит хуралдаан болж байгаа бөгөөд хурадаанаар ЭМЯ-аас гаргасан "хатуу хөл хорио" тогтоог саналааг эцэслэн хэлэлцэх юм. 

ХӨСҮТ-ийн Тандалт судалгааны албаны дарга Ж.Байгалмаа "Сүүлийн хоногт 10,652 хүнд шинжилгээ хийхэд 377 хүнээс халдвар илэрсэн. Нийт батлагдсан тохиолдол 8447 боллоо. 377 тохиолдол бүгдээрээ дотоодод бүртгэгдсэн бөгөөд Улаанбаатарт 328, орон нутагт 49 тохиолдол бүртгэгдлээ. 

Сүүлийн хоногт 95 хүн эмчлэгдэн эмнэлгээс гарснаар нийт эдгэрсэн хүний тоо 4920 боллоо. 

Нийт хийгдсэн шинжилгээнүүд дундах эерэг эзэлсэн хувь огцом нэмэгдэж байна. Энэ нь халдвар хүн амын дунд нэлээд өргөн хүрээтэй тархсаныг илэрхийлсэн үзүүлэлт юм. 

Өнөөдрийн байдлаар нийт 1902 хүн эмчлүүлж байгаагаас биеийн байдал нь хөнгөн 1637, хүндэвтэр 219, хүнд 34 нэн хүнд 12 хүн байна.

Мөн хоёр иргэн нас барсан таагүй мэдээг дуулгая. Нас барсан хүмүүс 69 болон 84 настай байсан" гэлээ.