Улсын Онцгой комиссоос коронавируст халдвар нөхцөл байдлын талаар мэдээллээ.
ХӨСҮТ-ийн Тандалт, судалгааны албаны дарга А.Амбасэлмаа "Сүүлийн 24 цагт 47110 хүнд шинжилгээ хийж халдварын 58 тохиолдол шинээр бүртгэгдлээ. 10 тохиолдлыг "Нэг хаалга-Нэг шинжилгээ" ажлын хүрээнд илрүүллээ. Энэ 10 хүний хоёр нь эхний шинжилгээгээр илэрсэн бол бусад 8 тохиолдол нь өмнөх батлагдсан тохиолдлуудын хавьтал байна.
"Нэг хаалга-Нэг шинжилгээ" ажлын хүрээнд 253,617 хүнийг шинжилгээнд хамруулж, нийт 47 халдварын батлагдсан тохиолдол илэрлээ. Халдварын нэг тохиолдлын ард маш олон хүн байж болох учраас чухал ач холбогдолтой. 47 тохиолдлын 20 нь шинжилгээний явцад илэрсэн бол 27 нь тэдгээр батлагдсан тохиолдлуудын хавьтал болсон хүмүүс юм. Тандалт судалгааны явцад "Нэг хаалга-Нэг шинжилгээ"-ний хүрээнд илэрсэн дийлэнх тохиолдлууд өмнөх батлагдсан тохиолдлуудын хавьтал, хавьтлын хавьтал байсан болох нь тогтоогдож байгаа.
Сүүлийн 24 цагт 17 хүн эдгэрч эмнэлгээс гарсан. Улсын хэмжээнд халдварын батлагдсан тохиолдол 2,551 болсон бол үүнээс 1,819 тохиолдол эдгэрээд байна" гэлээ.
"Нэг хаалга-Нэг шинжилгээ" ажлын хүрээнд батлагдсан тохиолдлын байршлуудыг танилцуулбал:
-
БГД-ийн 3, 12, 25 дугаар хороо
-
БЗД-ийн 26 дугаар хороо
-
СБД-ийн 18 дугаар хороо
-
СХД-ийн 6, 7, 18, 31, 39 дүгээр хороо
-
ХУД-ийн 2, 4 дүгээр хороо
-
ЧД-ийн 2, 6, 12 дугаар хороонд тус тус бүртгэгджээ.
