Эрүүл мэндийн сайд С.Энхболд Нийслэлийн хэмжээнд тархсан коронавируст халдварын голомт болон вакцины талаар мэдээллийг өглөө.
Тэрээр "Нийслэлийн хэмжээнд коронавируст халдварын 120 гаруй голомт байгаагаас 30 нь идэвхтэй байна гэдэг судалгааг эрдэмтдийн зөвлөл, тандалтын багаас хийсэн. Энэ хүрээнд 100 мянга орчим хүн байгаа хэмээн тооцоолоод эхний гурав хоногт голомтын өргөтгөсөн тандалт хийсэн. Дараагийн төлөвлөгөө бол нэг захаас нь нөгөө зах руу хөөж шинжилгээ авах юм. Ийм түүврийн тандалтын арга байдгийг хэрэгжүүлээд явж байгаа.
"Нэг хаалга-Нэг шинжилгээ" арга хэмжээ халдвар авчихаад шинж тэмдэггүй яваад байгаа иргэдийг илрүүлэх зорилготой. Эхний байдлаар үр дүнгээ өгч, 17 тохиолдлыг илрүүллээ. Мөн голомтыг хумих, вакцинжуулалт эхлэхэд шаардлагатай суурь нөхцөлийг бий болгох зорилготой ажил үргэлжилж байгаа гэж ойлгож болно" гэлээ.
Мөн үргэлжлүүлэн вакцины талаар "Хөл хорио 23-наас дуусна. Манай улсад 23-наас вакцин хийж эхэлнэ. ДЭМБ-аас одоогийн байдлаар Pfizer-ийн вакциныг яаралтай горимоор хийх зөвшөөрөл олгочихсон байгаа. Энэ долоо хоногт AstraZeneca вакцин бүх шатны туршилт шинжилгээгээ даваад зөвшөөрөл олгогдоно.
Манай улс 4 төрлийн вакцин оруулж ирэхээр гэрээ хэлэлцээр хийгээд эхнээсээ тээвэрлэлтийн асуудлыг төлөвлөөд явж байна. Эхний ээлжид AstraZeneca, Pfizer-ийн вакцинууд орж ирнэ. ХӨСҮТ-д Үндэсний агуулах байдаг. Тоног төхөөрөмжүүдийг хангасан байгаа. Pfizer-ийн вакциныг -70 градусын нөхцөлд хадгалах ёстой. Агуулах тоног төхөөрөмжийг суурилуулсан, тээвэрлэлт хадгалах бэлтгэлийг хангасан.
2020 оны долоодугаар сараас эхлэн COVAX хөтөлбөрт хамрагдах хүсэлтээ тавиад хамрагдаад явж байна. COVAX хөтөлбөрөөр хүн амын 20 хувийг хамруулна. Үлдсэн 40 хувийг өөрсдийн санхүүжилтээр хийнэ. Санхүү төсөв, худалдан авалтын журмаар худалдан авалт хийх асуудал Сангийн яаманд асуудал шийдэгдсэн. Нийт хүн амын 60 хувийг буюу 2 сая орчим хүнд вакцинд хамруулна. 0-18 насны 1.2 сая хүн, 18-аас дээш насны 2 сая орчим хүн байгаа. Зарим вакцин 16-аас дээш насныханд хийдэг. Дийлэнх нь 18-аас дээш насныханд хийнэ гэсэн зөвлөмжтэй явж байгаа учраас бид нийт хүн амын 60 хувийг вакцинжуулна. Зардал, төсөв бүгд шийдэгдсэн байгаа. Одоо худалдан авалт, тээвэрлэлт яригдаж байна" гэлээ.
Хүн амыг COVID-19-ийн вакцинжуулалтад хамруулах дараалал:
|
|
Зорилтот хүн ам |
Хамрагдах хүн амын тоо |
Нийт хүн амд эзлэх хувь |
| 1 |
Эрүүл мэндийн салбарын нийт ажилчид |
56.047 |
1.7% |
| 2 |
Хариу арга хэмжээний багт ажиллаж буй бусад салбарынхан (онцгой байдал, цагдаа гэх мэт) |
52.750 |
1.6% |
| 3 |
50-аас дээш насны хүн ам |
583.545 |
17.7% |
| 4 |
Хөгжлийн бэрхшээлтэй иргэд |
230.781 |
7% |
| 5 |
Суурь өвчтэй хүмүүс (зүрх судас. чихрийн чижин, хорт хавдар гэх мэт) |
276.937 |
8.4% |
| 6 |
Дайчлах боломжтой ажиллагсад (вакцинжуулалт хариу арга хэмжээний багт ажиллана) |
65.937 |
2% |
| 7 |
Стратегийн ач холбогдолтой салбарын ажилчид (хил, гааль, нүүр тээврийн жолооч гэм мэт) |
329.687 |
10% |
| 8 |
Бүх шатны боловсролын байгууллагын ажилчид |
69.234 |
2.1% |
| 9 |
Вакцинжуулалтад хамрагдах шаардлагатай бусад хүн ам |
313.202 |
9.5% |
|
|
|
1.978.120 |
60% |
