Коронавируст халдварыг нөхцөл байдлын талаар мэдээллээ.
ХӨСҮТ-ийн Тандалт, судалгааны албаны дарга А.Амбасэлмаа "Өчигдөр улсын хэмжээнд 15,071 хүнд коронавирусийн халдвар илрүүлэх шинжилгээ хийснээс 19 хүнд халдвар илэрлээ. Шинэ халдварууд Улаанбаатар хотод бүртгэгдсэн. Эдгээр нь өмнөх батлагдсан тохиолдлуудын ойрын хавьтлууд бөгөөд ажиглан тусгаарлах байранд тусгаарлагдсан хүмүүсийн анхан болон давтан шинжилгээгээр илэрсэн.
- Монос эмийн сантай холбоотой тав,
- Хас банканд батлагдсан тохиолдолтой холбоотой нэг хүнд халдвар илэрсэн. Бусад нь Чингэлтэй, Сонгинохайрхан, Баянзүрх дүүрэгт гарсан өвчлөлтэй холбоотой ойрын хавьтлууд байна.
Ингэснээр Улаанбаатар хотод батлагдсан тохиолдол нийт 782 боллоо. Сүүлийн 24 цагт 28 хүн эдгэрч гарсан. Улсын хэмжээнд батлагдсан тохиолдол нийт 1,611 болсноос 1,125 хүн эдгэрээд байна" гэв.
ХӨСҮТ-өөс иргэдэд халдварын эрсдэл өндөр хэвээр байгаа тул амны хаалтаа зүүх, хувийн ариун цэвэр, эрүүл ахуйн дэглэм баримталж, хүний бөөгнөрөл үүссэн газраар явахгүй байхыг зөвлөлөө.