Улаанбаатар хот болон Дорноговь, Өмнөговь аймгуудад байгуулах гэж буй дөрвөн иж бүрэн PCR лабораторийн тоног төхөөрөмжүүд өнөөдөр Монголд ирснийг Эрүүл мэндийн яамнаас мэдээллээ.

Шинээр байгуулагдаж буй PCR лабораториудын хамгийн гол хэрэгсэл болох PCR машин, цөмийн хүчлийг цэвэрлэх систем, оношлуур, урвалын багц, сорьц авах төхөөрөмжүүд эхний ээлжинд Монголд ирээд байгаа нь энэ юм байна.

Иж бүрэн лабораториудыг Rio Tinto-ийн 1.7 тэрбум төгрөгийн буцалтгүй тусламжаар, Oyu Tolgoi болон НҮБ-ын Хүн амын сангийн хамтын ажиллагааны хүрээнд хэрэгжүүлж буй  “Урьдчилж мэдье, хүрч үйлчилье” уриатай “Оношилгоо, зайн тусламж үйлчилгээний хүртээмжийг нэмэгдүүлэх” төслийн хүрээнд байгуулжээ.

Энэхүү дөрвөн лабораторийг дараах эмнэлгүүдэд байгуулна.

• Улаанбаатар хотын Эх хүүхдийн эрүүл мэндийн Үндэсний төв

• Яармаг дахь Нийслэлийн Эх, хүүхдийн эмнэлэг

• Өмнөговь аймгийн Бүсийн оношилгоо, эмчилгээний төв

• Дорноговь аймгийн Замын-Үүд сумын нэгдсэн эмнэлэг