Баянзүрх нэгдсэн эмнэлэгт “Ковид-19” халдварын голомт үүссэнтэй холбогдуулан Улсын онцгой комиссоос тус дүүрэгт 2020 оны 12 дугаар сарын 21-ний өдрөөс эхлэн 30-ны өдрийг дуустал 70-80 мянган иргэнийг PCR шинжилгээнд хамруулж, тандалт хийж байна.
Шинжилгээ авах ажлыг Баянзүрх дүүргийн ерөнхий боловсролын 19 сургуулийн байранд зохион байгуулж байна.
Шинжилгээний цэг тус бүрт төв эмнэлэг, төрөлжсөн мэргэжлийн эмнэлэг, дүүргийн эрүүл мэндийн төвийн эрүүл мэндийн ажилтан, мэргэжлийн хяналтын байцаагч, цагдаагийн албан хаагч ажиллаж байгаа юм.
2020 оны 12 дугаар сарын 28-ны 14:00 цагийн байдлаар, тус өргөтгөсөн шинжилгээнд Баянзүрх дүүргийн 55.106 хүн шинжилгээ өгчээ.
Тиймээс тус дүүргийн иргэд коронавируст “Ковид-19” халдварыг илрүүлэх, тандах зорилгоор зохион байгуулж буй өргөтгөсөн шинжилгээнд идэвхитэй хамрагдаж, халдварт цар тахлын эсрэг дор бүртээ хариуцлагатай хандан, өөрийн болон ойр дотны хүмүүсийнхээ эрүүл, аюулгүй байдлын төлөө хамтдаа сэргийлэхийг уриалж байна.
