Эрүүл мэндийн яамнаас коронавируст халдварын нөхцөл байдлын талаар өнөөдрийн мэдээллээ хийлээ. 

Эрүүл мэндийн яамны Нийгмийн эрүүл мэндийн хэлтсийн дарга Д.Нарангэрэл: Манай улсад коронавирусийн нийт батлагдсан тохиолдол 907 боллоо. Улсын хэмжээнд нэлээд олон оношлогооны цэгүүд ажиллаж байгаа. Эдгээр цэгүүдээр 378,541 иргэн шинжилгээнд орсон байна.

ЭМЯ болон харьяа байгууллагуудад долоон тусгай дугаар ажиллаж байгаа. Өнгөрсөн 24 цагийн хугацаанд 10,633 хүн хандаж зөвлөлөө авсан. Мөн 24 цагийн хугацаанд 2,500 гаруй эрүүл мэндийн салбарын ажилтан коронавирусийн халдварын голомтод ажилласан байна.  

Дэлхий даяар коронавирусийн халдвар эрчтэй нэмэгдэж байна. 

Жишээ нь, БНСУ-ын хувьд өнгөрсөн бямба гаригт хамгийн олон тохиолдол буюу 950 тохиолдол бүртгэгдлээ. Халдвартай нь тогтоогдсон гурван хүн нь нэгэн хотын сүмийн үйл ажиллагаанд оролцсон байсан. Тэнд байсан хүмүүс амны хаалтгүй дуулсан, амттан хувааж идсэн гэдэг өгүүлжтэй байгаа. 

Нэг л хүний, нэг хэсэг хүний хариуцлагагүй байдал улс оронд гарз хохирол учруулж, цаашлаад хүний амь насанд эрсдэл учруулахад хүргэж байгааг энэ жишээ харуулж байна.  

Манай улсын хувьд маргаашаас 34 байгууллагын үйл ажиллагаа эхэлнэ. Үйл ажиллагаа нь эхлэх олон байгууллага анхаарлаа сулруулж болохгүй гэдгийг сануулж байна.