Боингын асуудалтай байгаа онгоцнуудыг удахгүй хэвийн ажиллагаанд нь оруулах нь ээ.

Өнгөрсөн жил Индонези, Этиопт Боинг онгоцоор нисэж явсан нийт 346 хүн амь үрэгдсэний дараа хамгийн их борлуулалттай байсан 737 Maкс загварын онгоцыг бүгдийг нь “газардуулсан” юм. Тэр үеэс хойш мөрдөн байцаагчид болон хууль тогтоогчид дизайны алдаа, холбооны хяналтгүй байдал, менежментийн зохисгүй байдал (мөнгөө хэмнэх үүднээс) зэрэг олон бэрхшээл тулгарч осол аваарт хүргэсэн болохыг олж мэдсэн. 

Гэхдээ гол шалтгаан нь: Хоёр онгоцыг хамар руу шумбахад хүргэсэн алдаатай мэдрэгч. 20 сарын турш агаарт хөөрөлгүй, зогсолт хийсний дараа Холбооны Нисэхийн Захиргаа (FAA) АНУ-д дахин нисэх Боинг онгоцнуудад ногоон гэрэл асаажээ.

FAA-ийн мэдээллэснээр, Боинг програм хангамж, дизайн, сургалтанд өөрчлөлт хийсэн байна. Гэхдээ АНУ-ын агаарын тээврийн компаниуд удахгүй эдгээр онгоцуудаар ниснэ гэж нэг их яарахгүй байна. FAA нисгэгчдийг сургах журам, онгоцнуудын системийг шинэчлэх гэх мэт зүйлийг батлах шаардлагатай хэвээр байгаа гэсэн юм. Үүний сацуу, 2020 он хэвээр байгаа тул цар тахалтай өнөө үед болон ойрын ирээдүйд эрэлт өсөх хаа ч байсан юм. 

Одоогийн байдлаар зөвхөн Американ Эйрлайнс л онгоцнуудаа ирэх сарын эхээр нисгэхээр төлөвлөж байна. Баруун өмнөд, Юнайтед гэх мэт бусад газар хүмүүс ирэх жил хүртэл төлөвлөсөн аяллаа хойшлуулжээ. Олон улсын аялал жуулчлалын хувьд бусад улс орнуудын зохицуулагч байгууллагууд Макс 737-г зөвшөөрөх үйл ажиллагаагаа үргэлжлүүлсээр байгаа юм байна.

Онгоцны ослоор хохирогчдын зарим хамаатан садан нь Боинг үнэхээр бэлэн байсан эсэх талаар шуум гарч эхэлмэгц "Нисэх ажиллагаа нь туршилтын алдаа байх ёсгүй" гэж хэлэв. Боинг нь бараг хоёр жилийн турш үргэлжилсэн үймээн самууны дараа олон нийтэд нэр хүндээ сэргээх шаардлагатай байгааг хүлээн зөвшөөрч байна.

Гүйцэтгэх захирал нь тус компани ослын хохирогчдыг "хэзээ ч мартахгүй" бөгөөд "Ийм осол дахин хэзээ ч давтагдахгүй байх болно" гэж мэдэгджээ.

Боинг нисэхийн ертөнцийн тэргүүн эгнээнд бичигдэж байсан цаг саяхан. Гэвч олон зуун хүний ​​амийг авч одсон сүйрлийн ослууд компанийн нэр хүндийг угаадастай хутгаж байна. Одоо хүмүүс төдийлөн их нисэхгүй байгаа үед итгэлцлийг бий болгохын тулд өгсүүр тулаанд тулж байгаа гэлтэй.

Бү.Лхамаа