Эрүүл мэндийн яамнаас ээлжит мэдээллээ хийлээ. Мэдээллийн үеэр ХӨСҮТ-ийн Томуугийн үндэсний нэгжийн эмч Ч.Уртнасан монгол улсад тархаад буй томуу, томуу төст өвчний талаар мэдээлэл хийлээ.

Тэрээр "Томуу, томуу төст өвчний амьсгалын замын хүнд халдварын улмаас эмнэлэгт хэвтэн эмчлүүлэгчид дэлхий дахинд төдийгүй манай улсад нэлээдгүй хувийг бүрдүүлж байна.

Өнөөдрийн байдлаар манай улсад амбулаторийн нийт үзлэгийн 4.2 хувийг томуу, томуу төст өвчин эзэлж байгаа юм. Энэ нь сүүлийн гурван жилийн дунджаас 0.2 хувиар нэмэгдсэн үзүүлэлт.

Насны бүлгээр нь авч үзвэл, томуу, томуу төст өвчнөөр өвчлөгчдийн 90 орчим хувь нь 15 хүртэлх насны хүүхдүүд байгаа бол түүнээс 70 орчим хувь нь 0-4 хүртэлх насны хүүхдүүд байна.

Сүүлийн долоо хоногуудад томуу төст өвчлөл бага зэрэг нэмэгдэх хандлагатай байна. Тодруулбал, нийт эмнэлэгт хэвтэгчдийн 7.4 хувийг томуу, томуу төст өвчний хүндрэлийн улмаас хэвтэн эмчлүүлж буй хүмүүс эзэлж байна.

ХӨСҮТ-ийн вирус судлалын лабораторид хийж буй шинжилгээгээр наймдугаар сарын сүүлээс хойш хүн амын орчилд реновирус эргэлтэд байсан бол арваннэгдүгээр сарын эхэн үеэс л энтеровирус, аденовирус, боковирус нэмэгджээ.

Гэхдээ одоогоор томуугийн вирус эргэлтэд орж ирээгүй байгааг хэлье.

Дээрх томуу төст өвчний вирусүүдийн халдварыг энгийн үгээр тайлбарлавал хамрын ханиад шуухинаа. Уг халдвар нь амьсгалын замыг үрэвсүүлж, нусгайрах, нүд улайх зэрэг шинж тэмдгээр илэрдэг" гэв.