БШУ-ны яамнаас боловсруулж Улсын онцгой комиссоос гаргасан шийдвэрийн дагуу хоёр настай хүүхдүүдийг цэцэрлэгт хамруулахгүй байхаар болсон. Гэвч уг шийдвэр 80 гаруй мянган эцэг, эхэд хүндрэл учруулж байгаа тул засгийн газрын даваа гаригийн хурадаанаас бүх хоёр настай хүүхдүүдийг цэцэрлэгт хамруулах нь зүйтэй гэж шийдвэрлэсэн юм.
Шийдвэрийн дагуу хоёр настнуудын цэцэрлэгийн бүртгэл 2020.09.15-2020.10.20 хүртэл явагдаж байна.
Энэ талаар Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг "Ерөнхий сайд хоёр настай хүүхдүүдийн асуудалд онцгой анхаарч, хоёр настай хүүхдүүдийг сургуулийн өмнөх боловсрол буюу улсын, хувийн цэцэрлэгт хамруулах нь зөв гэсэн шийдвэр гаргасан. Хоёр настай хүүхдүүдийг 100 хувь цэцэрлэгт хамруулж чадахгүй учраас хүүхэд харах үйлчилгээний стандартыг сайжруулж, хоёр настай хүүхдүүдийг хамруулах нь зүйтэй гэж үзсэн" гэсэн юм.
