Ангела Меркель ба Жасинда Ардерн

Фото: Hannibal Hanschke / Reuters

Улс орны удирдагч эмэгтэйчүүд коронавирустай тэмцэхэд эрэгтэй лидерүүдээс илүү амжилттай байлаа гэж Европын Төв банкны тэргүүн Кристин Лагард мэдэгдснийг Британийн The Independent сонин баталгаажууллаа.

COVID-19 цар тахалтай тэмцэхэд эмэгтэй  улстөрчдийн үйл ажиллагаа идэвхтэй, иргэдтэй харилцахдаа илүү дотно, ойлгомжтой байсныг Лагард өндөр үнэлэжээ. «Би хувьдаа эмэгтэйчүүд зөв зүйтэй, сайн ажиллаж буйг ойлгож авлаа. Би эмэгтэй хүн болохоор хэт нэг талыг барьсан байж магадгүй. Харин энэ нөхцөлд тэр санаагаа би зөв гэж үзэж байна» хэмээн тэр хэлжээ.

Британийн сонин ч бас Европын Төв банкны тэргүүний 100 хувь зөв гэлээ. Тухайлбал, нэг сая хүнд ноогдох халдварын тоогоор хамгийн их орнуудадын тоонд Бахрейн (22,1 мянга), Чили (17,5 мянга), Панам (12,9 мянга), Армени (12,2 мянга), АНУ (11,9 мянга) орж байна. Удирдагчид нь эрэгтэйчүүд.  Эмэгтэй хүн даргалсан хамгийн тааруу тохиолдолтой орнууд нь  Бельги (5,5 мянга), Боливи (5,4 мянга), Швейцари (3,9 мянга), Герман (2,4 мянга), Дани (2,3 мянга) юм.

Үүний зэрэгцээ эмэгтэй удирдагчтай орнуудын авч байгаа арга хэмжээний хувьд эрүүл мэндийн ба жуулчлалын салбарууд, хүн амын нягтрал зэргийг  нь аваад үзэхээр сэтгэгдэл төрүүлэхүйц байгаа юм. Мөн улс орнуудын зөвхөн 10 хувийг эмэгтэйчүүд удирддагийг бас онцолжээ.

Хүн амаар адилхан Ирланд ба Шинэ Зеланд хоёр гэхэд л илрүүлсэн халдварын тоогоор 25 дахин ялгаатай байна. Шинэ Зеландын Ерөнхий сайд Жасинда Ардерн эхнээс нь шийдвэртэй арга хэмжээ аван вирусний тархалтыг хязгаарлаж чадсан гэж олон улсын зүгээс магтуулсан байгаа. Эмэгтэй удирдагчдын гол онцлог нь тэдний хүн амын эрүүл мэндээр эрсдэл хийхээс болгоомжилсон шийдэмгий арга хэмжээнүүд байжээ.

М.Цогт