Эрүүл мэндийн яамнаас 11 цагийн ээлжит мэдээллээ хийж, долдугаар сарын 12-нд хийсэн шинжилгээний хариуг танилцууллаа.
ХӨСҮТ-ийн ерөнхий захирал Д.Нямхүү "Нийт 143 хүний сорьцод коронавирус илрүүлэх шинжилгээг хийлээ. Ингэхэд бүгдэд нь коронавирус илрээгүй. Задалж хэлбэл, зургаадугаар сарын 25-нд Москва-Улаанбаатар чиглэлийн онгоцоор ирсэн 120 хүний давтан шинжилгээ, ажиглах байранд тусгаарлагдсан 14 хүний давтан шинжилгээ, Атанбулаг боомтоор орж ирсэн ачаа тээврийн есөн жолоочоос сорьц аван шинжлэхэд коронавирус илрээгүй.
Мөн коронавирусийн халдвар авсан 80 настай эмэгтэй ХӨСҮТ-д 24 хоног эмчлэгдэн эдгэрч, дараагийн шатны ажиглалтад шилжлээ.
Монгол Улсад одоогийн байдлаар батлагдсан 230 тохиолдол байгаагаас 203 нь эдгэрч, ХӨСҮТ-д 56 хүн эмчилгээ болон тандалтад байна.
Мөн өчигдөр 22:00 цагт Зэвсэгт хүчний 62 дайчин ирсэн юм. Тэднийг эрэмбэлэн ангилж, хоёр хүнийг нь ХӨСҮТ-д, нэгийг нь Цэргийн төв эмнэлэгт, 59 дайчныг "Бага баян" амралтын газарт ажиглалтад оруулсан" гэлээ.