Бурхан багшийн Их дүйчин өдөр маргааш буюу 6 дугаар сарын 5-ны өдөр тохиож байгаа бөгөөд Нийтээр тэмдэглэх баяр болон тэмдэглэлт өдрүүдийн тухай хуулийн дагуу тус өдөр бүх нийтээрээ амрах зохицуулалттай.
Эрүүл мэндийн яамнаас сүм, хийд, шашны байгууллагад өгсөн зөвлөмжийг хүргэж байна.
Сүм, хийд, шашны байгууллагад:
- Өглөө бүр биеийн халуун үзэж тэмдэглэх,
- Нүүрний болон амны хаалт зүүх,
- Хурал номыг аль болох цахимаар хурах,
- Хурал номыг богино цагаар хурах,
- Бөөгнөрөл үүсгэхгүй, 1-1.5 метрийн зайтай сандал байрлуулах,
- Олуулаа уншлага хийхгүй байх,
- Хүч шаардаж шүлс үсэргэх сүмийн найрал дууг бөөнөөрөө дуулахгүй байх,
- Нэг удаагийн бээлий өмсөж хишиг тараах,
- Рашаан, утлага, хадаг зэргийг дамжуулж өгөхгүй байх,
- Спиртэн суурьтай гар халдваргүйжүүлэгч байршуулах,
- Олбог, дэвсгэр зэргийг дамжуулж хэрэглэхгүй, наранд тавих,
- Агаар сэлгэлт сайн хийх, нэвт салхилуулах,
- Бурхан, тахилын зүйлс, хүрд, сандал, хаалганы бариул, шал, тавцан зэрэг хатуу гадаргууг өдөрт 2-оос доошгүй удаа нэг литр усанд 0.25 мл белизна хийж арчиж цэвэрлэх,
- Коронавируст халдвараас урьдчилан сэргийлэх зөвлөмжийг ил тод байршуулахыг зөвлөв.
Сүсэгтэн олонд:
- Амны хаалт тогтмол зүүх,
- Нойтон сальфетка, гар халдваргүйжүүлэгч хэрэглэх,
- Гар барихгүй, тэврэлдэхгүй, үнсэлдэхгүй байх,
- Нүүр, нүд, ам, хамартаа хүрэхгүй байх,
- Хүн хоорондын зай барих,
- Рашаан, утлага зэргийг дамжуулж хэрэглэхгүй байх,
- Хоол унд хувааж идэхгүй байхыг зөвлөсөн байна.
Эх сурвалж: Эрүүл мэндийн яам
