ЭМЯ-наас коронавируст халдварын нөхцөл байдлын талаар 11 цагийн ээлжит мэдээллээ хийж, ХӨСҮТ-ийн ерөнхий захирал Д.Нямхүү тусгаарлалтад байгаа болон тандалтын зорилгоор хийсэн коронавирусийн халдварын илрүүлэг шинжилгээний хариуны талаар мэдээлэл өглөө.
Д.Нямхүү: "Өдрийн мэнд хүргэе. Тавдугаар сарын 29-ний өдөр гурван лабораторид нийт 47 хүнд шинжилгээ хийлээ. Тандалтын шугамаар найман сорьцод шинжилгээ хийсэн. Бүгдэд коронавирус илрээгүй. Сайн мэдээ байна. Өнөөдөр нэг иргэн эдгэрч ХӨСҮТ-өөс гараад дараагийн ажиглалт руу шилжлээ. Энэ хүн нь 48 хоног эмчлэгдсэн оюутан байна.
Ингээд нийт батлагдсан тохиолдлд 179 эдгэрсэн 44 боллоо. Эмчилгээнд байгаа 135 иргэний 125 нь хөнгөн, 10 нь хүндэвтэр байна. ХӨСҮТ-д өнөөдрийн байдлаар нийт 165 хүн байгаа" гэлээ.