УОК-ын өргөтгөсөн хуралдаан өнөөдөр болж байна. Хуралдааны үеэр ХӨСҮТ-ийн ерөнхий захирал Д.Нямхүү мэдээлэл хүргэлээ.
Д.Нямхүү "Өнөөдөр нэг хүн эдгэрч, ХӨСҮТ-өөс дараагийн ажиглалт руу шилжиж байна. Эдгэрсэн нийт 33 хүн боллоо. Өнөөдрийн байдлаар нийт 108 хүн ХӨСҮТ-д эмчлүүлж байгаа. Халдвар авсан хүмүүсийн дундаж нас 24 байна. Нэгдүгээр сарын 6-наас хойш 12000 гаруй шинжилгээ хийсэн байна. Улсын хэмжээнд зургаан лаборатори ажиллаж байна. Тандалтын шинжилгээг тогтмол хийж байгаа бөгөөд одоогийн байдлаар коронавирусийн халдвар илрээгүй байна.
Тавдугаар сарын 13-нд ОХУ-ын 15 хотод суралцаж байсан цэргийн сургуулийн оюутнууд ирсэн. Нийт 57 оюутнаас коронавирусийн халдвар илэрсэн бөгөөд хөнгөн байдлаар өвчилж, хурдан эдгэж байна" гэлээ.
