Япон улсын Засгийн газраас зарласан тэтгэлэгт хөтөлбөрийг танилцуулж байна.

Их сургуулийн үндсэн оюутан, Коосэн хөтөлбөр, Мэргэжлийн сургуулийн оюутан хөтөлбөрийн дэлгэрэнгүйг 2021 оны бүртгэл гэж онцолсон хэсгээс арын хэсгээс нь дэлгэрүүлж унших боломжтой.

1. Товч танилцуулга

Япон улс 1954 онд Засгийн газрын тэтгэлэгт хөтөлбөрөө эхэлсэн. 2018 оны 5 дугаар сарын байдлаар Японд суралцаж буй (улсын болон хувийн зардлаар) нийт гадаад оюутны тоо 298,980 болж байв.

2. Япон улсын Засгийн газрын тэтгэлэгт хөтөлбөр

Япон, Монгол хоёр улсын хооронд 1974 онд байгуулсан соёлын хэлэлцээрийн дагуу 1976 онд Монгол улсаас анхны тэтгэлэгт оюутныг Японд явуулсан бөгөөд 2018 он хүртэл нийт 1,533 хүн тус хөтөлбөрөөр суралцсан байна.

Мөн ЖАССО байгууллагаас гаргасан тоо баримтыг үзвэл 2018 оны 5 сарын байдлаар Монгол улсаас Япон улсад суралцаж байсан (улсын болон хувийн зардлаар) оюутны тоо 3,124-т хүрч байв. Тус улсын нийт хүн амтай харьцуулж үзэхэд Японд суралцах боломж нь дэлхийд хамгийн өндөр байгаа юм.

3. Монгол улсад Японы Засгийн газрын тэтгэлэгт хөтөлбөр хэрэгжсэн байдал

(Сүүлийн 5 жил)

 4. Хөтөлбөрийн ангилал

Японы Элчин сайдын яам жил бүр Япон улсын Засгийн газрын тэтгэлэгт хөтөлбөрөөр суралцах оюутнуудыг сонгон шалгаруулах үйл ажиллагаа зохион байгуулдаг билээ. Тус хөтөлбөрт багтах 7 төрлийн тэтгэлгийн талаарх дэлгэрэнгүй танилцуулгыг доор толилуулав.

Үүнд:

4-1. Их сургуулийн үндсэн оюутан

Японы их дээд сургуульд үндсэн оюутнаар 4 жил (Анагаах, Шүд, Мал эмнэлэг, Эм зүй бол 6 жил) суралцаж бакалаврын зэрэг авах боломжтой.

Зарлагдах хугацаа: 4 – 5 сарын үед (2021 оны бүртгэл)

Шалгалт:

Нийгмийн ухаан: Япон хэл, Англи хэл, Математик
Байгалийн ухаан: Япон хэл, Англи хэл, Математик, Хими, Физик (А) / Биологи (B)
Суралцах хугацаа: Бэлтгэл ангид 1 жил, үндсэн ангид 4 жил (нийт 5 жил)
Мэргэжил: Бүртгэлийн үед доорх жагсаалтаас 3-ыг сонгох боломжтой

4-2. Коосэн /Техникийн коллежийн оюутан

Техникийн коллеж нь техниктэй холбоотой мэргэжлээр суралцаж цаашид эрхлэх ажилд нь шаардлагатай мэдлэг чадвар эзэмшүүлэх сургууль юм.

Зарлагдах хугацаа: 4 – 5 сарын үед (2021 оны бүртгэл)

Шалгалт: Япон хэл, Англи хэл, Математик, Хими (А) / Физик (B)
Суралцах хугацаа: Бэлтгэл ангид 1 жил, үндсэн ангид 3 жил (нийт 4 жил)

Мэргэжлийн дэлгэрэнгүй жагсаалтыг энд дарж үзнэ үү.

4-3. Мэргэжлийн сургуулийн оюутан

Мэргэжлийн сургууль нь ажлын болон техникийн практик боловсролыг олгодог сургууль юм.

Зарлагдах хугацаа: 4 – 5 сарын үед (2021 оны бүртгэл)

Шалгалт: Япон хэл, Англи хэл, Математик
Суралцах хугацаа: Бэлтгэл ангид 1 жил, үндсэн ангид 2 жил (нийт 3 жил)
Мэргэжил:

-- Technology 工業関係
-- Personal Care and Nutrition 衛生関係
-- Education and Welfare 教育・社会福祉関係
-- Business 商業実務関係
-- Fashion and Home Economics 服飾・家政関係
-- Culture and General Education 文化・教養関係

Мэргэжлийн дэлгэрэнгүй жагсаалтыг энд дарж үзнэ үү.

4-4. Судлаач оюутан

Эхлээд Японы их сургуульд Судлаач оюутан гэх статусаар 1 жил хагасаас 2 жил суралцаж, тэр хугацаандаа Аспирантурын шалгалт өгч тэнцсэн тохиолдолд тэтгэлгийн хугацааг сунгаж тэтгэлэг авах боломжтой. Элсэлт авах салбар нь Японы аспирантурт судалгаа хийх боломжтой бүх салбар юм.

Зарлагдах хугацаа: 4 – 5 сарын үед (2021 оны бүртгэл)

Шалгалт: Япон хэл, Англи хэл
Суралцах хугацаа: Судлаач оюутан 1 жил хагасаас 2 жил, Магистр болон Докторын курст сурахаар хугацааг сунгах боломжтой

4-5. Япон хэл, Япон соёл судлаач оюутан

Япон улсын их дээд сургуульд япон хэлний мэдлэг, Япон орон болон Японы соёлын талаарх мэдлэгээ дээшлүүлэх зорилгоор Япон хэл, Япон соёлын чиглэлээр суралцаж буй оюутнуудад зориулсан хөтөлбөр.

Зарлагдах хугацаа: 1 – 2 сарын үед

Шалгалт: Япон хэл
Суралцах хугацаа: 1 жил хагас

4-6. ЕБС-ийн багшийн мэргэжил дээшлүүлэх курс

ЕБС-ийн үндсэн багш нарт зориулсан Япон улсын их, дээд сургуульд “Сургуулийн боловсрол”-той холбоотой судалгаа хийх хөтөлбөр.

Зарлагдах хугацаа: 1 – 2 сарын үед

Шалгалт: Япон хэл, Англи хэл
Суралцах хугацаа: 1 жил хагас

4-7. “­­Залуу удирдагч хөтөлбөр” (YLP = Young Leaders’ Program)

Төрийн албан хаагчдад зориулсан хөтөлбөр бөгөөд доорх мэргэжлээр нэг жилийн магистрын курст суралцана. Хичээл нь Англи хэл дээр явагдана.

Зарлагдах хугацаа: 9 – 10 сарын үед (Зарыг зөвхөн тодорхой яамдад илгээдэг)

Шалгалт: Ярилцлага
Суралцах хугацаа: 1 жил

Мэргэжил:
-- SCHOOL OF GOVERNMENT COURSE
-- SCHOOL OF LOCAL GOVERNANCE COURSE
-- HEALTHCARE ADMINISTRATION COURSE
-- BUSINESS ADMINISTRATION COURSE
-- LAW COURSE