Холливуудын одтой гэрлэх мөрөөдлөө биелүүлсэн, одоо ч сайхан амьдарч байгаа цөөнгүй тооны шүтэн бишрэгчид байдаг. Одоо тэднээс танилцуулья.

Джон Траволта болон Келли Престон

Келли Престон 16 настайдаа "Бриолина" постерт зургийг нь хараад Жон Траволтагийн эхнэр болохоор мөрөөдөж иржээ. Хэний ч танихгүй байсан бүсгүй мөрөөдлөө биелэнэ гэж итгэх болсон байв. Тэр нь 13 жилийн дараа "Шинжээчид" киноны зураг авалт дээр өөрийн шүтээнтэйгээ танилцснаар биелэлээ олж эхэлсэн гэдэг. Траволта ч түүнд дурласан гэдэг. Хэсэг хугацааны дараа буюу 1990 онд хосууд гэрлэжээ. Тэр цагаас хойш 30 жил өнгөрч харилцаагаа бат гэдгийг баталжээ.

Николас Кейж болон Элис Ким

Николас Кейжийн амьдралд хайрын адал явдал бишгүй л байсан. Энэ ч ямагт олны анхааралыг татаж ирсэн. Тэр түүхийн нэг нь Лос-Анжелест байдаг "Кабуки" солонгос рестораны үйлчлэгч бүсгүй Элис Кимтэй танилцсан явдал юм. Бүсгүй түүнээс гарын үсгээ үлдээхийг гуйхад Николас утасны дугаараа үлдээсэн байв. Хожим тогтоодсноор Ким Кейжийг шүтэн бишэрдэг бүх киног нь дандаа үздэг байжээ. Хосууд 2004 онд гэрлээд дараа жил нь анхны хүүгээ өлгийдөн авсан юм. Харамсалтай нь энэ гэрлэлт 11 жил үргэлжилжээ.

Адам Сэндлер болон Жеки Титон

Жеки Титон жүжигчний анхны алхамаа хийж байхад Адам Сэндлер эрэлттэй инээдмийн жүжигчин байв. Бүсгүйг түүний шүтээн тоглосон "Том аав" кинонд зөөгчийн дүрд тоглуулсан ба тэр нь амьдралд нь хэрхэн нөлөөлөхийг бүсгүй төсөөлсөнгүй явав. Анхны уулзалтаас гурван жилийн дараа хосууд гэрлээд аз жаргалтай сайхан амьдарч байна. Христийн шүтлэгтэй Титон нөхөрт гарахдаа Иудаизмд оржээ. Хосууд одоо хоёр охинтой.

Жулия Робертс болон Дэнни Модера

"Гоо бүсгүй" кинонд тоглосны дараа Жулия Робертс дуртай эр хүнээ татахаар болсон байлаа. Тэр эрчүүдийн нэг нь зураглаач Дэнни Модера байв. "Мексик хүн" киноны зураглаачаар 2000 онд ажилласан Модера тэнд Жулиятай танилцан хайр сэтгэл ургуулжээ. Модера олон жил Жулиягийн мөрөөдөлд автсан байв. Танилцаад хоёр жил болсны дараа тэд гэрлэжээ.

Энн Хэтэуэй болон Адам Шульман

Энн Хэтэуэй 2008 онд түүний найз залуу Рафаэлло Фоллиерийн үүсгэсэн дуулианд дарагдсан байв. Түүний найз залуу бохир мөнгө угааж, санхүүгийн залилан хийдэг нэгэн байснаас хосууд салж Энн эрчүүдэд болгоомжтой хандах болсон юм. Тэр жилд тэр өөрийг шүтэн биширч киног нь байнга үздэг уран дархан Адам Шульмантай танилцаад хоёр жилийн дараа тэд гэрлээд аз жаргал дүүрэн явна.

Мэтт Дэймон болон Люсьяна Баррозо

Люсьяна Баррозо зөөгч хийж байсан Майамийн нэгэн уушийн газар Мэтт Демон орж ирснээр бүсгүй шүтээн болж байсан жүжигчинтэй танилцжээ. 2005 онд тэд гэрлэж дараагийн жилд нь тэдний анхны хүүхэд мэндэлжээ.

Риз Уизерспун болон Жим Тот

Риз Уизерспун ирээдүйн нөхөртэйгээ нэгэн үдэшлэг дээр танилцжээ. Тэгэхэд Риз өөр нэг эрэгтэйн хамт ирсэн байв. Эрэгтэй нь хэтэрхий их уугаад согтон хуншгүй араншингаа харуулсан гэдэг. Жим гэсэн залуу байдлыг аварсан ба тэрбээр залуу авъаястнуудыг хайдаг агент байлаа. Ингэж танилцсан тэд өнөөг хүртэл жаргалтай амьдарч байна.

М.ЦОГТ