Дөнгөж сая ХӨСҮТ-ийн захирал Д.Нямхүү дахин мэдээлэл хийж ОХУ-аас ирсэн оюутнуудын шинжилгээний хариуг танилцууллаа.
Тэрээр "Өнөө өглөө ОХУ-аас ирсэн оюутнуудаас 18-д нь коронавирус илэрсэн гэж мэдээлж байсан. Харин үдээс хойшхи үлдсэн оюутны шинжилгээний хариунд 37 эерэг буюу коронавирус илэрлээ. Зөвхөн ОХУ-аас ирсэн оюутнууд дунд 55 тохиолдол илэрлээ.
Ингээд Монгол улсад нийт 98 коронавирусийн тохиолдол бүртгэгдэж байна. Үүнээс 15 нь эдгэж, дараагийн шатны арга хэмжээнд орсон. Одоо ХӨСҮТ-д 83 хүн эмчлэгдэж байна.
Бид цаашид голомттой бүс нутгаас иргэдээ авахаар бэлдэж ажилсаар байна. Одоогоор 220 гаруй ор бэлдсэн байгаа. Бид сүүлийн 5 сар сайн туршлагажиж байна" гэлээ.