Америкийн жүжигчин, дуучин Элисон Портер 1981 онд Вустер хотод төржээ. "Буржгар Сью" гурван настайгаасаа рекламын зураг авалтад оролцож, таван настайгаасаа дуучдын шоуд оролцож эхэлжээ.
Жижиг одынхоо ирээдүйг бодоод эцэг, эх нь Холливудад ирэн суурьшжээ. Тэнд охин киноны туслах мөн гол дүрүүдэд тоглож эхэлжээ.
"Буржгар Сью" кино л охинд алдар нэр, үзэгчдийн хайрыг авчирсан гэдэг. Кино бүтээл гарсны дараа бяцхан охин Америкт төдийгүй дэлхийд танигдаж эхэлсэн байдаг.
Элисон тэр киноны дараа алдар нэр ихтэй байсан ч киноны карьераа яагаад төгсгөсөн нь ойлгомжгүй. Тэрбээр зөвхөн театрын тайзыг сонгосон байна.
Нью-Йоркт ирсний дараа охин "Raz" хамтлаг байгуулсан нь жил болоод таржээ. Тэнд Элисон өөрөө гоцлол дуучин, аяз зохиогчын үүрэг гүйцэтгэдэг байж.
Эхний хамтлаг нь бүтээгүй ч тэр бууж өгсөнгүй өөр "Alisan Porter Project" хамтлагийг байгуулсан нь амжилттай болж өнөөдөр хүртэл уран бүтээлээ туурьваж байна.
Элисон ганц удаа гэрслэсэн ба түүний гэрлэлт зургаан жилийн дараа дууссан юм. Тэрээр хүү Мейсон Блейз Отенрит, охин Ария Сейж Отенрит гэсэн хоёр хүүхдийг төрүүлжээ.
Бүсгүйг найруулагч нар кинондоо урьж байсан ч Элисон татгалзсан хариу өгч ирэв. Дуучин 2016 онд Америкийн дууны шоуд ялсан ба одоо хамтлагийнхаа хамт дуулсаар байна.
Буржгар Сью "Movmnt" сэтгүүлд булан хөтөлдөг тоймч нь юм. Тэрээр нэг үе архинд донтсон ч түүнээсээ салж чадсан ажээ.
М.ЦОГТ
