ЭМЯ-наас шинэ төрлийн коронавируст халдварын нөхцөл байдлын талаар ээлжит мэдээллээ хийж, ХӨСҮТ-ийн ерөнхий захирал Д.Нямхүү ХӨСҮТ-ийн мэдээллийг танилцуулав. 

Тэрээр "Өдрийн мэнд. Дөрөвдүгээр сарын 22-н буюу өчигдөр ХӨСҮТ болон Монгол улс даяар коронавирусийн сэжигтэй тохиолдол бүртгэгдээгүй. Сүүлд батлагдсан тохиолдолын хавьтал болох Сэлэнгэ, Дархан-Уул аймагт тусгаарлагдсан 26 хүнд шинжилгээ хийсэн, коронавирус илрээгүй. 

Өнөөдрийн байдлаар ХӨСҮТ-д 159 хүн хяналт, тандалтад байна. ХӨСҮТ-ийн төв лабораторид тандалтын шугамаар 17 хүний сорьцод шинжилгээ хийсэн, коронавирус илрээгүй.

Дархан-Уул аймагт шинэ лаборатори ажлуулж байна. Энэ лабораторид ОХУ-аас Алтанбулаг боомтоор орж ирж байгаа жолооч нарыг хянах шийдвэр гарсан. ХӨСҮТ-ээс нарын мэргэжлийн эмч томилогдон ажиллаж байгаа. 

Сүүлд бүртгэгдсэн тохиолдол болох жолооч хүүтэйгээ утсаар л ярьсан. Үүнийг камерийн бичлэг, хяналтын шугамаар тогтоосон.  

Иргэд дотоод арми буюу дархлалын системээ дэмжиж, сайн амарч стрессдэхгүй байх хэрэгтэй. Хүн унтах цагтаа унтаж чадвал хамгийн сайн дархлалын систем бий болноо.

ХӨСҮТ-д тусгаарлагдаж, эмчлэгдэж байгаа өвчтөнүүдийн биеийн байдал сайн байгаа. Эмчилгээнээс гадна сэтгэл санааны байдал маш чухал. Эмчилгээний тактик зөв байна гэж үзэж байгаа" гэв.