COVID-19 халдвар авсан хүнд халуурах, толгой эргэх, ханиалгах, дотор муухайрах зэрэг шинж тэмдэг түгээмэл илэрдэг байна. Манай улсад бүртгэгдсэн тохиолдлуудын хувьд ихэнхдээ:
-Хоолой өвдөх- 64.7 хувь
-Гүйлгэх, Толгой өвдөх, Хамар битүүрэх, Ханиалгах - 41.2 хувь
-Халуурах- 35.3 хувь
-Булчин өвдөх- 29.4 хувь
-Ядрах , Бөөлжих- 23.5 хувь
-Амьсгал давчдах-17.6 хувь
-Амт, үнэр мэдрэхгүй болох- 16 хувь
-Үе мөчөөр өвдөх, Дотор муухайрах, Жихүүдэс хүрэх, Нус гоожих шинж тэмдэг 5.9 хувьтай байна. Мөн өчигдөр ДЭМБ-аас тус өвчний шинэ шинж тэмдгийг зарлажээ.
Халдвар авсан хүний гар, хөлийн хуруу, хамрын үзүүрт улаан, ягаан, хөх өнгийн халуу дүүргэсэн арьсны өөрчлөлт гарсан байна. Үүнийг COVID-19 халдварын эхний шинж тэмдэг гэж үзэж болно гэж ДЭМБ-аас мэдээлжээ. Мөн дээрх шинэ шинж тэмдэг нь ихэвчлэн хүүхдэд илэрч байгаа тухай ЭМЯ-ны хэлтсийн дарга Д.Нарангэрэл мэдээллээ.
Гадаад улс оронд бүртгэгдсэн тохиолдлууд дээр илэрч буй эмнэл зүйн бусад шинж тэмдгүүд
Халдвар авсны дараа:
-1-2 хоногт халуурах, дотор муухайрах, суулгах зэрэг шинж тэмдэг илэрч байна.
-3-4 хоногт хоолойн өвдөлт нэмэгдэж, хоолой сөөх, юм залгихад хөндүүрлэх зовуурь мэдрэгдэнэ.
-5 дахь хоногоос халууралт аажмаар нэмэгдэж, толгой эргэх дотор муухайрах, хөдлөхөд хэцүү болох зовуурь илэрнэ.
-6 дахь хоногоос хуурай ханиалгах, дотор муухайрах, ядарч сульдаж байгаа ажиглагдана.
-7-8 дахь хоногт амьсгалахад цээж хөндүүрлэх, бие сульдах шинж тэмдэг илүү давамгайлж буй бөгөөд энэ үед хуурай ханиалга нь цэртэй болж байна.
-8 дахь хоногоос биеийн байдал улам хүндэрч, цээжээр өвдөж халууралт тогтвортой нэмэгдэх гэсэн эмнэл зүйн шинж тэмдгүүд давамгайлж байгааг ХӨСҮТ-өөс мэдээллээ.