Эрүүл мэндийн яамнаас коронавирсийн нөхцөл байдлын талаар мэдээлэл хийж байна. 

Эрүүл мэндийн яамны хэлтсийн дарга Д.Нарангэрэл: Дэлхийн 205 оронд коронавирус бүртгэгдлээ. Нэмэгдсэн хоёр улсад Франц, Дубайгаас аялаад ирсэн хүмүүсд илэрчээ. Энэ нь зөөвөрлөгдөж ирсэн өгүүлэмж юм. АНУ-д сүүлийн өдрүүдэд эрчимтэй тархаж байна. 

Унгар, ОХУ-д коронавирусийн үед хэрэгжих хууль баталсан байна. Манай улс мөн хууль тал дээр судалгаа хийн ажиллаж байна. 

Мөн эмнэлзүйн зөвлөхийн багийн эмч нар өчигдөр КОВИД-19 өвчний улмаас эмчлэгдэж байгаа өвчтөнүүдийг эмчилж байгаа эмчлэгч эмч Ц.Чинбаяр, вируслогийн лабортаторийн эрхлэгч Б.Дармаа нартай цахимаар холбогдон эмчдэглэж байгаа өвчтөний онцлог, манай орны онцлогын талаар мэдээлэл солилцсон. 

Манайд гарч байгаа КОВИД-19 халдвар, мөн эмчлэгдэж байгаа 12 өвчтөний биеийн байдал дунд зэрэг байгаа, нилээд хүндэвтэр байсан хоёр өвчтөний биеийн байдал мөн дунд зэрэг рүү шилжсэн, эмчилгээ хэвийн явагдаж байгаа. 

Манай орны өвөрмөц онцлог гэвэл илэрч байгаа КОВИД-19-ийн эмнэлзүйн шинж тэмдэг нилээн бүдэг байна. Цаашдаа нууц үедээ халдвар тархах эрсдэл өндөр гэж үзсэн. Иймээс цаашид эмнэлзүйн мэдээллийн талаар цаашид ажиллана" гэлээ. 

ДЭМБ-ын ажилтан О.Ариунтуяа: Дэлхий дахинаа гуравдугаар сарын 31-ны байдлаар нийт 754948 халдварын тохиолдол бүртгэгдэж,  36571 хүн нас баржээ. 

КОВИД-19 халдвар бүртгэгдээд 100 гаруй хоног өнгөрсөн ч вирусийн талаар өдөр бүр шинэ зүйл мэдэж авч байна.

Дэгдэлтийн эхний хоёр сард Хубэй мужид өдөрт 3,800 буюу өвчний 99 хувь нь тус мужид мэдээлэгдэж, халдвар Номхон далайн баруун бүсэд голчлон гарч байсан бол одоо дэгдэлтийн цөм Европ руу шилжиж, өдөрт 30 мянгаас дээш тохиолдол бүртгэгдэж байна" гэв.