Эрүүл мэндийн яамнаас шинэ төрлийн коронавирусийн халдварын нөхцөл байдлын талаар ээлжит мэдээллээ хийлээ.

Энэ үеэр ХӨСҮТ-ийн ерөнхий захирал Д.Нямхүү: "Токио-Улаанбаатар чиглэлийн нислэгээр ирсэн 100 иргэний шинжилгээний хариу сөрөг гарсан. Үндсэндээ тус чиглэлээр ирсэн иргэдийн 206 хүнд хяналт, шинжилгээ хийж дуусгалаа. Дөрвөн үүргийн онгоцоор ирсэн бүх хүмүүсийг шинжилгээнд хамруулж дуусгалаа. Гэхдээ бид ажиглалтын хугацаанд шаардлагатай гэх бүх хяналтыг тавина.

Эмч нар ч анхааралтай байна. Иргэд бас анхааралтай байж өөрийгөө хамгаалж сунгасан 21 хоногийн хугацаанд өгсөн даалгаврыг маш сайн хийвэл бид хяналтандаа байлгах бүрэн боломжтой. 

Ер нь халдварыг ирлүүлсэн байхад гарт орж ирнэ, ойрын хавтлуудыг судалж, хянах, тандахад сайн байна. 

Истанбул-Улаанбаатрын тусгай үүргийн нислэгээр ирсэн нэг иргэний давтан шинжилгээнээс коронавирус илэрлээ. 

Ингээд манай улс батлагдсан 12 тохиолдолтой боллоо. 

Тандалт судалгаа үргэлжлүүлэн хийгдэж байна. 

Гуравдугаар сарын 26-нд ХӨСҮТ-д тусгаарлагдсан 2, Сэлэнгэ аймагт 2, Дархан-Уул аймагт 2 нийт тусгаарлагдсан 6 хүнээс коронавирус илрээгүй. 

Өнөөдрийн байдлаар ХӨСҮТ-д 220 хүн тумгаарлагдаж байна" гэлээ.