Эрүүл мэндийн яамнаас шинэ төрлийн коронавирусийн халдварын нөхцөл байдлын талаар ээлжит мэдээллээ хийлээ.
Энэ үеэр ХӨСҮТ-ийн ерөнхий захирал Д.Нямхүү: "Истанбул-Улаанбаатарын тусгай нислэгээр ирсэн 221 хүний шинжилгээг хийж дууслаа. Үүний дотроос нэг монгол иргэнээс коронавирусийн халдвартай тохиолдол илэрлээ. Тандалтаар цуглуулсан 25 сорьцод коронавирус илрээгүй. Өнөөдрийн байдлаар ХӨСҮТ-д 184 хүн хянагдаж байна" гэлээ.
Энэ тохиолдол бүртгэгдсэнээр Монгол улсад коронавирусийн 11 дэх тохиолдол бүртгэгдэж байна.
Монгол Улсад COVID 19-ийн бүртгэгдсэн тохиолдлууд:
-
Гуравдугаар сарын 10-нд Монгол Улсад ирсэн Францын иргэний шинжилгээнээс коронавирус илэрч манай улсад анхны тохиолдол бүртгэгдэв.
-
Гуравдугаар сарын 16-нд Сөүл-Улаанбаатар, Берлин-Москва-Улаанбаатар чиглэлийн тусгай үүргийн нислэгээр ирсэн гурван иргэнээс COVID-19 илэрсэн.
-
Гуравдугаар сарын 16-нд Берлин-Москва-Улаанбаатар чиглэлийн тусгай үүргийн онгоцоор ирсэн нэг иргэнээс коронавирусийн илэрсэн.
-
Гуравдугаар сарын 16-нд Берлин-Москва-Улаанбаатарын чиглэлийн тусгай үүргийн онгоцоор ирсэн түргэвчилсэн оношлуураар шинжилгээ хийхэд халдвар илэрсэн.
-
Гуравдугаар сарын 16-нд Берлин-Москва-Улаанбаатарын чиглэлийн тусгай үүргийн онгоцоор дөрвөн иргэнээс коронавирус илэрсэн.
