МАН-ын Бага хурлын V хуралдаанаар 2020 оны УИХ-ын сонгуулийн мөрийн хөтөлбөрөө баталж, сонгуульд аль нэг намтай эвсэхгүй дангаар оролцох шийдвэр гаргажээ.

Улс орон даяар цахим хэлбэрээр зохион байгуулсан өнөөдрийн хуралдаанд Бага хурлын гишүүд 21 аймаг 9 дүүргийн нийт 38 байршилд хуваагдан цахимаар хуралд оролцсон юм.

Хуулийн заалтаар сонгуулийн жилийн дөрөвдүгээр сарын 25-ны дотор улс төрийн нам, эвсэл сонгуульд оролцох эсэхээ илэрхийлдэг. COVID-19 халдварын улмаас дахин бага хурал хийгээд байх шаардлагагүй гэж үзэж байгаа учраас сонгуульд эвсэл болж оролцох эсэх асуудлыг хэлэлцэн ийнхүү шийдвэрлэжээ. 

Харин сонгуульд нэр дэвшүүлэх журмыг хэлэлцээгүй гэдгийг МАН-ын ХМОНХХэлтсээс мэдээлэв.