Эрүүл мэндийн яамнаас коронавирус халдварт өвчний нөхцөл байдлын талаар шинэчлэгдсэн мэдээллийг өглөө.

Эрүүл мэндийн яамны Хэлтсийн дарга Д.Нарангэрэл "Коронавирусийн тархалт дэлхийн 191 улсад бүртгэгдлээ. ДЭМБ-ын зөвлөмж улс орнуудаас шалтгаалан өөрчлөгдөж байна. Өмнө нь 5 хүнийг зэрэг байвал хүний бөөгнөрөл гэж үзэж байсан бол өнөөдрөөс эхлэн хоёроос дээш хүнийг бөөгнөрөл гэж үзнэ. Хоёр хүн хоорондоо хоёр метрийн зайтай байхыг зөвлөж байна. Дэлхийн олон оронд хүмүүс хоорондоо харьцах, бие биедээ хүрэх нь өвчнийг тархах үндэс болж байна гэж үзэж байна.  

Өчигдрийн Засгийн газрын  бус хуралдаанаар ажиглалтад байсан хүмүүс эмнэлгээ гараад 14 хоног өөрийгөө тусгаарлахаар шийдвэрлэсэн. Тухайн иргэн өөрийгөө гэртээ тусгаарлахаас гадна ажиглана. Гар утсандаа байршил тогтоогчийг байнга асаалттай байлгана. Өөрийн халуунаа өдөрт хоёр удаа үзэж, харьяалах эмчид утсаар болон цахимаар мэдээлнэ. Хэрвээ өвчний шинж тэмдэг илэрвэл 119,103, 80086829 зэрэг утсанд мэдээлэх ёстой. Гэрээсээ гарахыг хориглоно. Гэр бүлийн гишүүнтэй ойр байхгүйг хичээх хэрэгтэй. 

Хэрвээ тусгаарлалтаас гарсан иргэд гадагшаа гарах, интернэтээ болон утсаа унтраасан тохиолдолд Зөрчлийн тухай хууль болон Эрүүл мэндийн тухай хуулиар хариуцлага хүлээлгэх Засгийн газрын тогтоол гарсан. Мөн дулааны улирал эхэлж байна. Энэ үед гэдэсний халдварт өвчин ихэсдэг, мөн коронавирус нь өтгөн, ялгадсаар дамжиж байгаа тул улс даяар ариутгал халдваргүйжүүлэлтийн ажил хийгдэж эхэлнэ. Энэ талаар Эрүүл мэндийн яамаас танилцуулж, ажиллаж эхэлхээр боллоо" гэв.