Хятадын Тианжин их сургуулийн эрдэмтэд шинэ төрлийн коронавирус буюу covid-19 халдварын эсрэг уудаг вакциныг амжилттай гарган авсан тухай “Global Times” сонин мягмар гаригийн дугаартаа мэдээлжээ.
Хүнсний зориулалттай исгэгч бодис агуулсан уг вакцин коронавирусийн гадаргуугийн Spike protein (S уураг)-тай нийлснээр коронавирусийн эсрэг биет үүсгэж эхэлсэн байна. Уг вакциныг халдвараас урьдчилан сэргийлэхээс гадна халдвар авсан өвчтнийг эмчлэх зорилгоор хэрэглэх боломжтой болохыг судалгааны ажлыг удирдсан профессор Хуанг хэлжээ. Тэрээр вакцины дөрвөн тунг өөрөө ууж туршсан боловч ямар нэг гаж нөлөө илрээгүй гэв.
Хамгийн гол уг вакциныг хурдан хугацаанд их хэмжээгээр үйлдвэрлэх боломжтой. Тианжин их сургуулийн эрдэмтэд вакцины эмнэлзүйн баталгаажуулалтыг түргэсгэх, хэрэглээг өргөжүүлэх тал дээр хамтран ажиллах мэргэшсэн аж ахуйн нэгжийг хайж байна.
Эх сурвалж: GLOBAL TIMES
