Эрүүл мэндийн яамнаас шинэ коронавирустэй холбоотой цаг үеийн асуудлаар ээлжит мэдээллээр БНСУ-ын Тэгү хотоос ирсэн зургаан оюутнаас коронавирус илрээгүй. Пусан-Улаанбаатарын нислэгээр ирсэн зургаан оюутныг тусгаарлагдаж, шинжилгээ хийсэн ч шинжилгээний хариу сөрөг гарсан тухай ХӨСҮТ-ийн Тандалт судалгааны албаны дарга А.Амбасэлмаа мэдээлжээ.
Өчигдөр шинээр ирсэн (хоёрдугаар сарын 21) хоёр оюутныг мөн тусгаарлажээ. Вьетнамд сурдаг оюутан Сөүл-Улаанбаатарын нислэгээр, Шанхайд сурдаг оюутан Токио-Улаанбаатарын нислэгээр ирсэн байна. Тэдний шинжилгээний хариу өнөөдөр гарна.
Өмнө нь Гашуунсухайт боомтод 12 хүнийг тусгаарлаж, нийт 15 хүнийг хяналтад байлгаж байгаа бөгөөд тусгаарлах 14 хоног маргааш ням гаригт дуусах юм байна. Шинжилгээний сорьцыг өчигдөр ХӨСҮТ-д илгээсэн бөгөөд шинжилгээний хариуг харж байж дараагийн асуудлыг шийднэ.
Мөн БНСУ-ын Тэгү хотод оюутнуудын амралт 20-ноос эхлэх бөгөөд маргаашийн онгоцоор ирэх монгол иргэдийн талаар ямар арга хэмжээ авах нь өнөөдөр тодорхой болно гэдгийг ХӨСҮТ-ийн Тандалт судалгааны албаны дарга хэллээ. Тэгү хотод Монгол Улсын 400 гаруй иргэн албан ёсны бүртгэлтэй ажиллаж амьдардаг, бүртгэлгүй дахиад 400 орчим иргэн байгаа гэнэ.
БНСУ дахь манай ЭСЯ, Консулын газар тус улсад ажиллаж, амьдарч байгаа 48 мянга гаруй иргэддээ шууд болон ар гэрийнхнээр нь дамжуулан урьдчилан сэргийлэх мэдээллийг өгч, эрүүл мэндийн байгууллагаас өгч буй зөвлөмжүүдийг дагаж мөрдөхийг зөвлөж байгааг А.Амбасэлмээ халлээ.
