Японы Айчи мужийн Оказаки хотын захиргаанаас энэ сарын 18-наас ирэх гуравдугаар сарын 7-ны хооронд тус хотод цугларалтад гарч, хамтарсан бэлтгэл хийх байсан бүх арга хэмжээг цуцалжээ. Үүнд Монголын байт харвааны тамирчдын хамтарсан бэлтгэл мөн багтаж байгаа юм.
Японд коронавирусийн халдвар өргөн тархаж байгаатай холбоотойгоор “Токио-2020” олимпын бэлтгэл хийх олон арга хэмжээ цуцлагдсаар байна.
Манай тамирчид 2020 оны Токиогийн олимпийн өмнө тус улсад гурван удаа хамтарсан бэлтгэл хийх санамж бичиг байгуулсан байсан бөгөөд эхний хамтарсан бэлтгэлээ өнгөрсөн оны хоёрдугаар сард амжилттай хийгээд ирсэн юм.
Гэхдээ Монголын харваачид ирэх долоодугаар сард буюу олимпын үеэр Оказаки хотод байрлах төлөвлөгөө нь хэвээр байгаа аж.
Монголын байт харвааны найман тамирчин, хоёр дасгалжуулагчийн хамт бэлтгэлд явахаар төлөвлөж байсан аж.
