Австрали улсад очсон монгол иргэнээс шинэ төрлийн коронавирусийн халдвар илэрсэн талаар Эрүүл мэндийн яам өнөөдөр өдөр мэдээлээд байсан.
Тэгвэл Эрүүл мэндийн яамнаас Австралийн дэлхийн эрүүл мэндийн байгууллагын дүрмийг хэрэгжүүлэгч байгууллагатай холбогдон Монгол Улсын иргэн шинэ коронавирусийн халдвар авсан эсэх талаар нягталжээ.
Монгол Улсын иргэн халдвар аваагүй, халдвар авсан хүнтэй онгоцоор Гуанжугаас Мэльбурн нисэж очсон байна.
Тодруулбал, ᠋”Монгол Улсын иргэн Гуанжугаас Австралийн Мельбурн хотод энэ сарын 19-ний өдөр нисэж очсон. Очихдоо шинж тэмдэггүй байж байгаад шөнө нь халуурч, энэ сарын 25-нд шинжилгээгээр шинэ коронавирусээр өвчилсөн болох нь тогтоогдлоо“ гэсэн мэдээг Австралийн дэлхийн эрүүл мэндийн байгууллагын дүрмийг хэрэгжүүлэгч байгууллагаас манай улсад мэдээлжээ. Үүний дагуу холбогдох эрүүл мэндийн байгууллагатай холбогдон шалгахад Монгол Улсын иргэн шинэ коронавирусээр халдварлаагүй болохыг мэдээллээ.