Өнөөдөр Шинэ коронавирусын өвчлөлтэй холбоотой цаг үеийн асуудлаар Эрүүл мэндийн яамнаас мэдээлэл хийлээ.
Энэ үеэр ЭМЯ-ны Төрийн захиргааны удирдлагын газрын дарга Б.Цогтбаатар тус өвчлөлтэй холбоотойгоор Улсын онцгой комисс болон Засгийн газрын ээлжит бус хуралдаанаас гарсан шийдвэрүүдийг танилцуулсан юм.
Мөн тэрээр үргэлжлүүлэн "Амьсгалын замын цочмог халдвар, томуу томуу төст өвчнөөр өвчилсөн 5 хүртэлх насны хүүхдээ эмнэлэгт эсвэл гэрээр асарсан ажил хөдөлмөр эрхэлж байгаа эцэг, эх эсхүл асран хамгаалагчдад тав хүртэлх хоногийн цалинтай чөлөө олгохыг төсвийн байгууллагын дарга, захирал нарт даалгаж, хувийн хэвшлийн байгууллагын ажил олгогч нарт зөвлөсөн. БНХАУ-ын Ухань хотод сурч байгаа монгол иргэдээ татаж авах асуудлыг судлахыг Гадаад харилцааны сайд Д.Цогтбаатар, Зам тээврийн хөгжлийн сайд Б.Энх-Амгалан нарт даалгасан" хэмээн хэллээ.