Эрүүл мэндийн яамнаас шинэ коронавиурст халдварын тухай мэдээллийг хүргэж байна.

2020.01.26-ны өдрийн 09:00 цагийн байдлаар:

БНХАУ-ын Эрүүл мэндийн яамнаас мэдээлснээр 2020 оны 1 дүгээр сарын 26-ны өдрийн 08:50 цагийн байдлаар Хятад улсад шинэ коронавирусын халдвараар 1,975 хүн өвчилж, 56 хүн нас барсан, 324 хүн сэхээн амьдруулах тасагт эмчлэгдэж байгаа ба бүрэн эдгэрсэн 49 иргэн эмнэлгээс гарчээ. 

Шинэ коронавирусийн халдвараар БНХАУ-д 1287, Тайванд 3, Макаод 2, Хонгконгд 5, Японд 2, БНСУ-д 2, Сингапурт 3, Вьетнамд 2, Австралид 1, АНУ-д 2, Тайландад 5, Непалд 2, Францад 3 хүн өвчилсөн.

БНХАУ-ын Өвөр Монголд 7, Манжуурт 2, Шилийн голд 1, Эрээнд 4 сэжигтэй тохиолдол бүртгэгджээ.

Харин албан бус мэдээгээр 1700 хүн өвчилж, 55 хүн нас барсан, Малайз улсад 1 хүн өвчилсөн байна.

Та үр хүүхэд, гэр бүлээ шинэ коронавирусийн халдвараас дараах энгийн 3 аргаар сэргийлж чадна.

1. Гараа тогтмол савандаж угаах
2. Амны хаалт заавал зүүх
3. Өвчлөл гарсан улс оронд зорчихгүй байх

Монгол Улсын Эрүүл мэндийн яам