Эрүүл мэндийн сайд Д.Сарангэрэл, ДЭМБ-ын Монгол дахь суурин төлөөлөгчийн үүрэг гүйцэтгэгч Др.Сергей Диордица болон албаны хүмүүс өнөөдөр Халдварт Өвчин судлалын үндэсний төвд ажиллаж байна. Энэ үеээр тус Эмнэлгийн тусламж үйлчилгээний төвийн дарга Н.Пунсаг мэдээлэл өглөө.
Н.Пунсаг: "Бид галт тэргээр зорчиж байсан иргэдээс сэжигтэй долоон тохиолдлыг тусгаарлаж, цаг алдалгүй ажилласан. Тандалт хийж гурваас дээш зовууртай хүмүүсийг халдварын сэжигтэй гэж үзэж, тусгаарлаж байгаа. Манай лаборатори томуугийн 21 вирус оношлох боломжтой. 21 вирусийн аль нэг нь илрэхгүй бол коронавирусийн сэжигтэй тохиолдол байна гэж үзнэ. Коронавирусийн тохиолдол илэрвэл Японы халдварт өвчний үндэсний төвд шинжилгээгээ явуулна.
Бид цаашид нотолгоонд суурилсан онош тавихыг хүсэж байгаа. Бид тус вирусийн идэвхжилтийн энэ үед өндөржүүлсэн бэлэн байдлаа хангаж ажиллаж байна.
Эрчимт эмчилгээний 50 ортой тасаг шинээр гаргасан. Энэ өвчин сүүлийн үед амьсгалын замаар халдаж байгаа учраас сэрэмжлүүлэг сурталчилгаа хийж байна. Одоо бид баталгаажуулах ёстой. Бид ЭМЯ-ны бодлого болон ДЭМБ-ийн зөвлөмжийг хангаж ажиллана" гэлээ.
