Эрүүл мэндийн үндэсний зөвлөлөөс магадлан итгэмжлэгдсэн спортын клубт идэвхтэй хөдөлгөөн, спортоор хичээллэх үйлчилгээнд Эрүүл мэндийн даатгалын сангаас урамшуулал олгох хэмжээ, журмыг баталжээ. Тодруулбал, спорт клубт хичээллэхэд зориулж иргэдэд нэг удаа 60,000 төгрөгийн урамшуулал өгөх аж.
Одоогоор Боловсрол, соёл, шинжлэх ухаан, спортын сайдын тушаалаар:
- “Голден Жим” фитнес клубийн 1, 4, 5 дугаар салбар
- “Соёл” фитнес клуб магадлан итгэмжлэгджээ.
Иргэд нэг удаагийн төлбөрийг эрүүл мэндийн даатгалын цахим системд бүртгүүлж байж авах юм байна. Цахим системд нэвтрэх эрхийг эрүүл мэндийн даатгалын байгууллага болон спортын клубээс олгохоор журамд заажээ.
Цахим системд бүртгүүлсэн харилцах дансанд нь ажлын 20 хоногт багтаан 60,000 төгрөгийг шилжүүлэх бөгөөд спортын клубт төлсөн НӨАТ-ын баримтыг тухайн клубээсээ авах юм байна.
Гол нь иргэдийн хичээллэх спорт клуб нь Боловсролын яамнаас магадлан итгэмжлэгдсэн байх ёстойг анхаарна уу.
