Монголын Яаралтай тусламжийн нийгэмлэг, Улсын хоёрдугаар төв эмнэлгийн Яаралтай тусламжийн тасгийн эмч нар, АНУ-ын Монгол дахь Элчин сайдын яамны “Иргэн-цэргийн харилцааны дэмжлэгийн бүлэг”-ийн медикүүд, аймгийн Замын цагдаагийн тасагтай хамтран Хөвсгөл аймгийн сум өрх, аймгийн Нэгдсэн эмнэлгийн яаралтай түргэн тусламжийн жолооч нарыг чадваржуулах сургалтад хамрууллаа.

Хөдөө орон нутагт алсын дуудлагад явах үед жолооч бол маш чухал үүрэг гүйцэтгэдэг. Иймээс эмчтэй зэрэгцээд жолооч нарыг сургах нь өндөр ач холбогдолтой учраас анхан шатны тусламж үйлчилгээ үзүүлэх мэдлэг, ур чадварыг нэмэгдүүлэх зорилгоор сургалт, мэдээллийг зохион байгуулж байна гэдгийг Хөвсгөл аймгийн ЭМГ-ын дарга М.Үүрийнбаяр хэллээ.

Сургалтаар эмнэлгийн халдварын сэргийлэлт, хяналт, эмнэлгийн анхны тусламж үзүүлэх чадамж, алсын түргэн тусламжийн бэлэн байдал, автомашины техникийн бэлэн байдал, үйлчлүүлэгчийн аюулгүй тээвэрлэлт, автомашин дах эмнэлгийн тоног төхөөрөмжийн ашиглалт аюулгүй ажиллагаа, осол гэмтлийн үеийн тээвэрлэлт зэргээр онолын болон дадлага сургуулилт хосолсон сургалтыг зохион байгууллаа.