УИХ-ын дарга Д.Амарбаясгалан өөрийн бүрэн эрхийн хүрээнд Үндэсний аудитын газрын (ҮАГ) даргад С.Магнайсүрэнг нэр дэвшүүлжээ. Одоогийн дарга Д.Загджавыг өнгөрсөн 2024 онд тухайн үеийн УИХ-ын дарга Г.Занданшатар томилсон бөгөөд тэрээр өмнөх дарга Д.Занданбат УИХ-ын сонгуульд өрсөлдөхөөр ажлаа өгсний дараа уг албан тушаалд шилжин ажилласан юм.
Д.Амарбаясгалан дарга өнгөрсөн оны сүүлээр Д.Загджавыг чөлөөлнө гэдгээ мэдэгдсэн бөгөөд энэ удаад уг мэдэгдэл бодит хэрэгжих шатандаа орж байна. Монгол Улсын Ерөнхий аудиторыг зургаан жилийн хугацаатай томилдог бөгөөд энэ нь Төсвийн сахилга бат, төрийн санхүүгийн ил тод байдлыг хангахад чухал үүрэгтэй албан тушаал юм.
С.Магнайсүрэн нь:
-
2000–2005 онд УИХ-ын Тамгын газарт зөвлөх,
-
2006–2007 онд Хүнс, хөдөө аж ахуйн яаманд сайдын зөвлөх,
-
2008–2013 онд УИХ-ын Тамгын газарт нарийн бичгийн дарга,
-
Үргэлжлүүлэн төрийн гурван яаманд төрийн нарийн бичгийн даргаар ажиллаж байсан туршлагатай.
Төсвийн байнгын хороо Монгол Улсын Ерөнхий аудиторын албан тушаалд нэр дэвшигч С.Магнайсүрэнтэй хийх сонсголыг 2025 оны тавдугаар сарын 7-нд товлоод байна.
Эх сурвалж: УИХ-ын Хэвлэл мэдээллийн алба
