Нийслэлийн Засаг даргын Тамгын газар, нийслэлийн Биеийн тамир, спортын газар болон Монголын Гимнастикийн холбооны хамтран зохион байгуулдаг “Хангарди” нэрэмжит уран хөдөлгөөнт гимнастикийн аварга шалгаруулах тэмцээн 2025 онд 52 дахь удаагаа амжилттай болж өндөрлөлөө.

Энэ удаагийн тэмцээнд нийслэлийн есөн дүүргийн 80 цэцэрлэгийн 2400 хүүхдээс шалгарсан 19 цэцэрлэгийн 570 тамирчин ур чадвар, авьяасаа сорин оролцсон нь тэмцээний цар хүрээ жилээс жилд өргөжин тэлж, бэлтгэл сургуулилтын чанар дээшилж буйн баталгаа боллоо.

Тэмцээний хүрээнд:

• Цэцэрлэгийн хүүхдүүдэд бие бялдар, гоо зүйн хүмүүжил олгох зорилгыг дэмжин ажиллаж,

• Биеийн тамир, спортын газар хоёр жил тутам дасгалын хөтөлбөрийг шинэчилж, багш нарт сургалт зохион байгуулж буйг тэмдэглэв.

Тэргүүн байруудад:

• Сонгинохайрхан дүүргийн 287 дугаар цэцэрлэг (Эрхлэгч Т.Баянжаргал, багш Ж.Энхзул) — 1-р байр

• Хан-Уул дүүргийн 223 дугаар цэцэрлэг (Эрхлэгч Г.Энхтуяа, багш Д.Шүр-Эрдэнэ) — 2-р байр

• Баянзүрх дүүргийн 146 дугаар цэцэрлэг (Эрхлэгч О.Ариунбаяр, багш Н.Номин-Эрдэнэ) — 3-р байр

• Хан-Уул дүүргийн 250 дугаар цэцэрлэгийн 1-р баг — 4-р байр

9 номинацийн шагналын эздээр дараах цэцэрлэгүүд шалгарлаа:

1. “Ур чадвар” – Хан-Уул дүүргийн 250-р цэцэрлэгийн 2-р баг

2. “Өхөөрдөм” – Хан-Уул дүүргийн 230-р цэцэрлэг

3. “Хувцаслалт” – Чингэлтэй дүүргийн 74-р цэцэрлэг

4. “Жигдрэлт” – Сүхбаатар дүүргийн 109-р цэцэрлэг

5. “Үзэгчдийн таашаал” – Чингэлтэй дүүргийн 126-р цэцэрлэг

6. “Хамтач баг” – Чингэлтэй дүүргийн 154-р цэцэрлэг

7. “Онцлог баг” (анх удаа оролцогч) – Сүхбаатар дүүргийн 216-р цэцэрлэг

8. “Онцлог баг” (шинийг санаачлагч) – Багануур дүүргийн 139-р цэцэрлэг

9. “Онцлог баг” (өвөрмөц дүр төрхтэй) – Баянгол дүүргийн 13-р цэцэрлэг

Тэмцээний нээлт, хаалтын ажиллагаанд НЗДТГ, нийслэлийн Биеийн тамир, спортын газар, Монголын Гимнастикийн холбооны төлөөлөл оролцож, цом, медаль, өргөмжлөл, үнэ бүхий зүйлсээр шилдгүүдийг шагнасан байна.

Эх сурвалж: НЗДТГ-ын хэвлэл мэдээлэл, олон нийттэй харилцах хэлтэс