Соронзон шуурга нь нарнаас цацрах цэнэгт бөөмс Дэлхийн соронзон оронтой харилцан үйлчлэлд орсноос үүсдэг байгалийн үзэгдэл юм. Энэ нь голчлон цахилгаан, холбооны систем, хиймэл дагуул, навигацийн төхөөрөмжүүдэд техникийн саатал үүсгэх эрсдэлтэй гэж үздэг. Гэвч хүн амын дунд соронзон шуурга биед сөргөөр нөлөөлдөг гэх ойлголт ч түгээмэл байдаг.

Шинжлэх ухааны тайлбараар бол соронзон шуурга нь хүний биед тодорхой хэмжээнд нөлөөлж болох ч энэ нь хувь хүний биеийн онцлогоос хамааралтай. Зарим хүмүүс соронзон орчны хэлбэлзэлд мэдрэг байх нь элбэг бөгөөд тэдгээр нь:

• Толгой өвдөх

• Нойргүйдэх

• Ядарч сульдах

• Сэтгэл санаа тогтворгүй болох

зэрэг шинж тэмдгүүд илрүүлдэг гэж эрдэмтэд нотолжээ. Гэхдээ энэ төрлийн мэдрэмж нь зөвхөн соронзон шуургатай холбоотой бус, тухайн үеийн цаг агаарын огцом өөрчлөлт, стресс, ядаргаа зэрэг бусад хүчин зүйлтэй давхцан илрэх нь олонтаа.

Тиймээс соронзон шуурганы нөлөөг анхаарах нь зүйтэй ч түүнийг хэт дөвийлгөхгүй байх нь чухал. Эрдэмтэд энэхүү үзэгдлийг байгалийн дагалдах нөхцөл байдал гэж үзэхийн зэрэгцээ, хүний биеийн мэдрэмж, сэтгэлзүйн суурьтай холбон судалсаар байна.

Эх сурвалж: vm.ru