Улсын харцага Г.Ганхуягийг "Бусдыг заналхийлсэн" гэх хэрэгт буруутгаж, хойшлуулашгүйгээр баривчилж, цагдан хорьсоноос хойш хоёр хоногийн хугацаа өнгөрлөө.
Г.Ганхуяг нь нийгмийн сүлжээнд буутай зургаа нийтэлж, Н.Учрал, Н.Тэгшбаяр нарын нэрийг заагаад "Ганцаараа нууц төлөвлөгөө боловсруулж байгаад утсгачихаад үхнэ. Үр хүүхэд минь намайг алуурчин биш, ардын баатраар дурсана" гэх утгатай пост оруулаад устгасан. Иргэн Н.Тэгшбаярын гаргасан гомдлыг дагуу Г.Ганхуягийг баривчлан саатуулсан бөгөөд, шүүхийн шийдвэргүйгээр цагдан хорих 48 цагийн хугацаа өнөөдөр дуусна.
Эх сурвалжийн мэдээлснээр, Г.Ганхуягийн гэрээс олон тооны буу зэвсэг хураасан ба тагнуулын байгууллага нэлээн эртнээс Г.Ганхуягийг хяналтад авсан байжээ. Улсын харцага Г.Ганхуяг өмнө нь хэд хэдэн удаа бусдыг айлган сүрдүүлсэн, зодож, дарамталсан гэх хэрэгт шалгагдаж байсан юм.
