“Forbes” сэтгүүлд мэдээлснээр, “Henley & Partners” зөвлөх компанийн шинэчилсэн судалгаагаар Нью-Йорк хот дэлхийн хамгийн чинээлэг хотоор дахин шалгарлаа. Тус хотод нийт 384 мянга 500 чинээлэг оршин суугч амьдардгаас 66 нь тэрбумтан байна.

Чинээлэг иргэдийн тоогоор хоёрдугаарт Сан-Франциско болон Цахиурын хөндий багтсан бөгөөд 342 мянган чинээлэг хүнтэй, тэднээс 82 нь тэрбумтан байгаа нь тус үзүүлэлтээр дэлхийд тэргүүлж байна.

Топ 10-д багтсан бусад хотууд дараах байдалтай байна:

• Токио – 292 300 чинээлэг хүн, 18 тэрбумтан

• Сингапур – 242 400 чинээлэг хүн, 30 тэрбумтан

• Лос-Анжелес – 220 600 чинээлэг хүн, 45 тэрбумтан

• Лондон – 166 300 чинээлэг хүн, 35 тэрбумтан

• Парис – 164 000 чинээлэг хүн, 22 тэрбумтан

• Хонконг – 154 900 чинээлэг хүн, 40 тэрбумтан

• Сидней – 152 900 чинээлэг хүн, 22 тэрбумтан

• Чикаго – 127 100 чинээлэг хүн, 25 тэрбумтан

Мөн хамгийн өндөр амьдралын өртөгтэй хот-оор Монако шалгарсан бол чинээлэг хүний тоо хамгийн хурдтай нэмэгдсэн хотоор Хятадын Шэньжэнь нэрлэгдэв. Сүүлийн 10 жилийн дотор тус хотын чинээлэг иргэдийн тоо 142 хувиар өсөж, өнөөдөр 50 800 хүн энэ ангилалд багтаж байна.

Эх сурвалж: Forbes.