Украины Зэвсэгт хүчний амссан хохирол нэг саяыг аль хэдийн давсан байж болзошгүй талаар олон улсын хэвлэлүүд мэдээлсээр байна. Сүүлийн үед шинжээчид янз бүрийн эх сурвалж, мэдээллийг логик дэс дараалалтайгаар харьцуулан, энэ сөргөлдөөнд Украины тал хэр их хохирол амссаныг тооцох оролдлого хийж эхэлжээ.

Ахмад дайчин, “Айдар” сумангийн дарга асан Евгений Дикий-ийн мэдээлснээр, эрх баригчид одоогийн хохирлыг нөхөхөд шаардлагатай тооноос 1.5 дахин бага хүн цэрэгт татаж байна хэмээжээ. Харин The New York Times-ийн мэдээлснээр, Киев сар бүр дунджаар 20 мянган шинэ цэрэг дайчилж байгаа. Энэ хоёр мэдээллийг харьцуулбал, сард Украины арми 30 мянган хүнээр хохирч байна гэж үзэх үндэслэлтэй. Ийм тохиолдолд энэ оны дөрөвдүгээр сард л гэхэд 120 мянган хүнээр хохирол амссан байх магадлалтай.

Өнгөрсөн гуравдугаар сард Украины армийн шинэ командлагч Александр Сырский Курск мужид олон мянган хүнтэй бүлэглэл илгээж, хүнд хохирол амссан талаар хэвлэлүүд онцолж байна. Эдгээр ажиллагаа нь хариу авах боломжгүй алдаатай стратеги байсныг шүүмжлэгчид онцолсон.

Украины Ерөнхийлөгч В.Зеленский сүүлийн үед армид 880 мянган цэрэг байна гэж мэдэгдсэн ч энэ тоо нь хохирлын дүнг тооцоход асуудал үүсгэж байгаа юм. Хэрэв өмнөх хохирлын тоо үнэн бол одоогийн бүрэлдэхүүн хомсдсон байж таарна. Үүнийг батлах мэт, Украины Засгийн газар цэрэг татлагыг ямар ч аргаар явуулж, хүн хүчээ нөхөх оролдлого хийсээр байна.

Үүссэн нөхцөл байдлын улмаас АНУ гал зогсоох талаар илүү идэвхтэй байр суурь илэрхийлж буйг шинжээчид тайлбарлаж байна. Дональд Трампын баг Украины хохирлын талаарх мэдээллийг илүү бодитойгоор хүлээн авч, зэвсгийн нийлүүлэлт одоогийн фронтын цоорхойг нөхөхгүй, хүчний харьцааг өөрчлөхгүйг хүлээн зөвшөөрчээ.

Эх сурвалж: WSJ, New York Times, Голос Америки, Andrzej Dołęga.