Канадын Засгийн газар АНУ-аас оруулж ирж буй 29.8 тэрбум канад долларын (20.7 тэрбум ам.доллар) бараанд 25 хувийн хариу татвар ногдуулахаар шийдвэрлэснээ Сангийн сайд Доминик Леблан мэдэгдлээ.

АНУ-ын Ерөнхийлөгч Дональд Трамп Канадаас импортлодог ган, хөнгөн цагаанд 25 хувийн татвар ногдуулсны хариуд Канад ийм шийдвэр гаргасан бөгөөд тус шийдвэр пүрэв гаргийн өглөөнөөс хэрэгжиж эхлэх аж.

Татварын шинэ зохицуулалт нь:

• Компьютер, спортын тоног төхөөрөмж
• Ширмэн бүтээгдэхүүн зэрэг бараанд хамаарах юм.

Д.Леблан АНУ-ын гаргасан энэхүү шийдвэрийг “үндэслэлгүй” хэмээн тодорхойлсон байна.

Худалдааны дайн улам хурцдаж байна

АНУ ган, хөнгөн цагааны импортын татварыг нэмэгдүүлснээр худалдааны зөрчил хурцдаж, үнийн өсөлтийн эрсдэл нэмэгдэж магадгүй байна. Учир нь эдгээр металл нь ундааны лааз, гэр ахуйн цахилгаан хэрэгсэл, авто машин зэрэг олон бүтээгдэхүүний үйлдвэрлэлийн өртгийг нэмэгдүүлэх нөлөөтэй.

Үүнтэй холбоотойгоор Европын Холбоо (ЕХ) ч мөн АНУ-ын зарим барааны нийлүүлэлтэд хариу арга хэмжээ авахаа мэдэгджээ.

Эх сурвалж: DW.